MNS płanuje zakupić da kanca hoda 168 śpiecyjalizavanych broniekamizelek z vysokim uzroŭniem abarony, naprykład, jany mohuć vytrymlivać streły z aŭtamata Kałašnikava. Na heta źviarnuŭ uvahu «MotolkoPomohi».
U siaredzinie žniŭnia Respublikanski centr tyłavoha zabieśpiačeńnia MNS RB apublikavaŭ zapyt dla vyznačeńnia koštu nabyćcia śpiecyjalizavanych taktyka-šturmavych broniekamizelek. Viedamstva źbirajecca zakupić ich u kolkaści 168 štuk užo da kanca biahučaha hoda.
U zakupcy skazana, što broniekamizelki dla MNS pavinny mieć kłas abarony nie nižej Br5 — heta adzin z samych vysokich uzroŭniaŭ abarony siarod broniekamizelek. Jon zdolny abaranić čałavieka ad traplańnia z aŭtamata Kałašnikava i vintoŭki SDV.
Va ŭnutranych dakumientach pryvodzicca vyjava nieabchodnaj broniekamizelki i paviedamlajecca, što jana taksama pavinien mieć šlejku dla pieraciahvańnia paciarpiełaha.
Jašče ŭ lutym 2022 hoda paviedamlałasia ab płanach sfarmiravać u MNS rezierv asabovaha składu, kab ratavalniki mahli dziejničać razam z supracoŭnikami MUS u mirny čas, a ŭ vypadku vajennaj pahrozy — razam z vajskoŭcami US RB.
Biełaruskaja błohierka pracavała na rasijskaj apazicyjnaj fabrycy botaŭ, a paśla źliła dakumienty?45
Kamientary