Łukašenka zapeŭniŭ ukraincaŭ, što nie adpravić biełarusaŭ vajavać suprać ich
Nijakich zahadaŭ, kab iści vajavać za miežy Biełarusi, nie było i nie budzie. Ab hetym Alaksandr Łukašenka zajaviŭ na naradzie pa infarmacyjnaj palitycy, pieradaje BIEŁTA.
Alaksandr Łukašenka zrabiŭ adpaviednuju zajavu, havoračy na temu ŭkrainskaha kryzisu.
Pa hetym pytańni ŭ Biełarusi absalutna zrazumiełaja i sumlennaja palityka, padkreśliŭ jon. «Drenna stanovicca ad taho, što ja čytaju — hetyja ahlady suśvietnych srodkaŭ masavaj infarmacyi: «Dy Łukašenka toje, dy jon heta… Dy jon zaŭtra addaść zahad — pojduć tudy», — skazaŭ Łukašenka.
«Nijakich zahadaŭ, kab iści za miežy našaj krainy nie było i nie budzie. My tolki tady budziem vajavać, kali pryjduć da nas z kiepskimi namierami. Voś i ŭsio», — dadaŭ jon.
Dla čynoŭnikaŭ raspracavali miesiendžar Depesha. U čym jaho hałoŭnaja prablema?2
Kamientary