U Vienie biełarus chacieŭ vynieści z kramy dźvie darahija kurtki
U aŭstryjskaj stalicy zatrymali 24-hadovaha biełarusa, jaki padazrajecca ŭ sprobie kradziažu. Pra heta paviedamlaje «Biełaruś i śviet» sa spasyłkaj na tamtejšuju palicyju.
Fota: facebook.com/lpdnoe
Naš suajčyńnik chacieŭ vyjści z kramy adzieńnia na vulicy Maryjachilfierštrase, nie zapłaciŭšy za dźvie darahija kurtki koštam bolš za 600 jeŭra. Jon vykarystaŭ zaplečnik.
Supracoŭnik achovy zaŭvažyŭ dziejańni maładoha čałavieka, spyniŭ jaho i nie daŭ syści da prybyćcia na miesca vartavych paradku, jakija i aryštavali padazravanaha.
Paśla praviadzieńnia nieabchodnych pracedur pa rasparadžeńni prakuratury Vieny jaho nie stali źmiaščać pad vartu, adpuściŭšy da suda.
Kamientary