Prapahanda prailustravała patrulavańnie miažy viertalotam, jaki raźbiŭsia 8 hadoŭ tamu
Ranicaj adzin z kanałaŭ, źviazanych ź biełaruskimi vajskoŭcami, apublikavaŭ fota viertalota Mi-24 VPS RB (bartavy numar — «12» bieły) z podpisam: «Aktyŭnaje patrulavańnie pavietranaj prastory pablizu dziaržaŭnaj miažy».
Na viertalocie možna zaŭvažyć pčału z łukam. Roŭna takaja ž pčała vykarystoŭvałasia na narukaŭnym znaku 181-j bajavoj viertalotnaj bazy US RB (v/č 02181, aeradrom «Pružany»). Adnak baza była rasfarmavanaja ŭ 2015 h.
Inšymi słovami, «aktyŭnaje patrulavańnie» prapahandysty vyrašyli prailustravać viertalotam padraździaleńnia, rasfarmavanaha dzieviać hadoŭ tamu.
Ale heta jašče nie ŭsio. Reč u tym, što viertalot Mi-24 (b/n — «12» bieły) raźbiŭsia 25 krasavika 2016 h. u jabłynievym sadzie niedaloka ad Mazyra. A fota, jakoje vykarystoŭvajecca ŭ dopisie prapahandystaŭ, było zroblena jašče ŭ 2014 h., piša Biełaruski Hajun.
Atrymlivajecca, što viertalot u 2024 h. moh ažyćciaŭlać tolki «pasiŭnaje patrulavańnie» dziaržaŭnaj miažy, biez padjomu ŭ pavietranuju prastoru.
Biełaruski Hajun čarhovy raz źviartaje ŭvahu, što šerah resursaŭ, źviazanych ź biełaruskimi vajskoŭcami, udzielničajuć u metanakiravanaj kampanii pa dezynfarmacyi. Jaje meta — pierabolšyć kolkaść vojskaŭ, a taksama namahańni US RB u adkaz na čarhovuju «pravakacyju» z boku Ukrainy.
Hetymi resursami raspaŭsiudžvajecca infarmacyja ab fejkavaj pierakidcy vojskaŭ da miažy z Ukrainaj, palotach avijacyi, pierakidcy rasijskich vojskaŭ u Biełaruś i inš. I voś čarhovy prykład pra patrulavańnie nieisnujučym viertalotam.
Kamientary