Sud u Rasii prysudziŭ ukrainca da 20 hadoŭ za sprobu vysadki ŭ Krymie
Paŭdniovy akruhovy vajskovy sud u Rastovie-na-Donie prysudziŭ ukrainskaha vajskoŭca Alaksandra Lubasa da 20 hadoŭ źniavoleńnia za sprobu vysadki na ŭźbiarežžy Kryma i napadu na rasijskich vajskoŭcaŭ, paviedamlaje Hołas Amieryki.
Ahienctva TASS nazvała asudžanaha «ŭdzielnikam padraździaleńnia śpiecpryznačeńnia» Hałoŭnaha ŭpraŭleńnia raźviedki (HUR) Minabarony Ukrainy.
Lubasa pryznali vinavatym pavodle artykułaŭ ab niezakonnym pierasiačeńni miažy, zachoŭvańni i kantrabandzie zbroi, terakcie i prachodžańni navučańnia z metaj terarystyčnaj dziejnaści.
Vosieńniu minułaha hoda adbyłasia pierastrełka pamiž supracoŭnikami FSB Rasii i bajcami dyviersijna-raźviedvalnaj hrupy z Ukrainy, padčas jakoj Alaksandr Lubas trapiŭ u pałon. Jon siadzieŭ na pasažyrskim miescy na hidracykle, pry rezkim manieŭry zvaliŭsia ŭ vadu, jaho zatrymali.
Śledstva śćviardžaje, što jon nazvaŭsia radavym HUR i raspavioŭ, što hrupa z 16 dyviersantaŭ prybyła na paŭvostraŭ z terytoryi Adeskaj vobłaści na adnym katary i piaci skutarach. Na jaho zaviali kryminalnuju spravu pa niekalkich artykułach, uklučajučy padrychtoŭku teraktu.
Prapahandysckija rasijskija telehram-kanały paśpiašalisia paviedamić, što zatrymany źjaŭlajecca nie šarahovym, a padpałkoŭnikam 93-j miechanizavanaj bryhady USU, jaki maje orden «Narodny hieroj Ukrainy». Kanał Grey Zone tady ŭstanaviŭ, što zatrymany — nie padpałkoŭnik Alaksandr Łobas, a ŭradženiec Vałynskaj vobłaści Alaksandr Lubas.
Pamiatajecie pravakatara i danosčyka Jaŭhiena Kakojta? Jon ciapier taksama palitviazień3
Kamientary