Суд у Расіі прысудзіў украінца да 20 гадоў за спробу высадкі ў Крыме
Паўднёвы акруговы вайсковы суд у Растове-на-Доне прысудзіў украінскага вайскоўца Аляксандра Любаса да 20 гадоў зняволення за спробу высадкі на ўзбярэжжы Крыма і нападу на расійскіх вайскоўцаў, паведамляе Голас Амерыкі.
Агенцтва ТАСС назвала асуджанага «ўдзельнікам падраздзялення спецпрызначэння» Галоўнага ўпраўлення разведкі (ГУР) Мінабароны Украіны.
Любаса прызналі вінаватым паводле артыкулаў аб незаконным перасячэнні мяжы, захоўванні і кантрабандзе зброі, тэракце і праходжанні навучання з мэтай тэрарыстычнай дзейнасці.
Восенню мінулага года адбылася перастрэлка паміж супрацоўнікамі ФСБ Расіі і байцамі дыверсійна-разведвальнай групы з Украіны, падчас якой Аляксандр Любас трапіў у палон. Ён сядзеў на пасажырскім месцы на гідрацыкле, пры рэзкім манеўры зваліўся ў ваду, яго затрымалі.
Следства сцвярджае, што ён назваўся радавым ГУР і распавёў, што група з 16 дыверсантаў прыбыла на паўвостраў з тэрыторыі Адэскай вобласці на адным катары і пяці скутарах. На яго завялі крымінальную справу па некалькіх артыкулах, уключаючы падрыхтоўку тэракту.
Прапагандысцкія расійскія тэлеграм-каналы паспяшаліся паведаміць, што затрыманы з'яўляецца не шараговым, а падпалкоўнікам 93-й механізаванай брыгады УСУ, які мае ордэн «Народны герой Украіны». Канал Grey Zone тады ўстанавіў, што затрыманы — не падпалкоўнік Аляксандр Лобас, а ўраджэнец Валынскай вобласці Аляксандр Любас.
-
Сырскі лічыць, што расіяне будуць наступаць на Чарнігаўшчыну з Бранскай вобласці. А вось з Беларусі — наўрад ці
-
Вялікая група ўкраінскіх дронаў заляцела ў Расію праз Беларусь
-
Сырскі: У Беларусі зноў фіксавалі працу аднаго з рэтранслятараў. Больш яны іх уключаць не будуць, усвядомяць, што так не трэба
Каментары