Śpiecnaz zasialili ŭ internat Łojeŭskaha dziaržaŭnaha piedahahičnaha kaledža. Vajskoŭcam, jakich nakiravali ŭ rajcentr na miažy z Ukrainaj u ramkach «uzmacnieńnia», addali adzin pavierch internata, jaki ličycca žanočym.
U kaledžy vučacca pieravažna niepaŭnaletnija dziaŭčaty — heta ŭstanova adukacyi rychtuje nastaŭnikaŭ pačatkovych kłasaŭ. Siudy pastupajuć paśla zakančeńnia 9 kłasaŭ škoły.
Ad imia baćkoŭ Fłahštok patelefanavaŭ u internat, kab udakładnić, ci nie pahražaje dziaŭčatam takoje susiedstva. U administracyi niaŭpeŭniena adkazali, što susiedstvam z vajskoŭcami turbavacca nie varta, a ci nadoŭha jany ŭ internacie i što jany tam robiać, u viadomaść nie stavili.
U Łojevie, vierahodna, znachodziacca bajcy z armiejskaha śpiecnaza sił śpiecapieracyj, pierakinutyja siudy dla ŭzmacnieńnia miažy. Raniej siły śpiecyjalnych apieracyj nieadnarazova byli zaŭvažanyja ŭ rajonach, jakija miažujuć z Ukrainaj.
Pamiatajecie pravakatara i danosčyka Jaŭhiena Kakojta? Jon ciapier taksama palitviazień7
Kamientary