Bolš jak 181 tysiača žycharoŭ Biełarusi znachodziacca na narkałahičnym uliku
16 tysiačam niepaŭnaletnim pastaŭleny dyjahnaz »chraničny ałkahalizm».
U Biełarusi bolš jak 181 tysiača čałaviek znachodziacca na roznaha vidu narkałahičnych ulikach u orhanach achovy zdaroŭja. Pra heta 23 sakavika na pres‑kanfierencyi ŭ Minsku paviedamiŭ načalnik upraŭleńnia prafiłaktyki hałoŭnaha ŭpraŭleńnia achovy pravaparadku i prafiłaktyki milicyi hramadskaj biaśpieki Ministerstva ŭnutrany spraŭ Raman Mielnik.
Jon padkreśliŭ, što «ałkahalizacyja tyčycca i padletkaŭ». Pavodle jaho źviestak,
16 tysiačam niepaŭnaletnich pastaŭleny dyjahnaz »chraničny ałkahalizm».
Sioleta 34% złačynstvaŭ byli ŭčynieny hramadzianami ŭ stanie ałkaholnaha apjanieńnia. U paraŭnańni z anałahičnym pieryjadam 2009 hoda kolkaść takich złačynstvaŭ źniziłasia na 5,5%.
Usiaho letaś da administracyjnaj adkaznaści za roznyja parušeńni antyałkaholnaha zakanadaŭstva, u tym liku za raśpivańnie ałkaholnych napojaŭ na vulicach, byli pryciahnuty 270 tysiač čałaviek.
Mielnik akcentavaŭ uvahu na pahrozie piŭnoha ałkahalizmu. Pavodle jaho słoŭ, vylečycca ad jaho jašče ciažej, čym ad ałkahalizmu, jaki ŭźnikaje pry ŭžyvańni mocnych śpirtnych napojaŭ.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»44
Kamientary