«Biełaja jabłynia hromu» vyrasła ŭ Vilni
Na kancercie‑prezientacyi novaha muzyčnaha prajekta Lavona Volskaha biełaruskija studenty abdymalisia ź litoŭcami.
Na kancercie‑prezientacyi novaha muzyčnaha prajekta Lavona Volskaha biełaruskija studenty abdymalisia ź litoŭcami.
Niepasredna pierad kancertam u Vilni 17 krasavika, Lavon Volski naviedaŭ Jeŭrapiejski humanitarny univiersitet, dzie prajšła jaho tvorčaja sustreča z moładździu. U časie razmovy studenty i abituryjenty raspytvali śpievaka adnosna apošniaha muzyčnaha prajekta i pracy ŭ tvorčaj kamandzie novaha składu. Usie achvotnyja mahli paprasić aŭtohraf abo fotazdymak z ajčynnaj rok‑zorkaj.
Uviečary ž prajšoŭ druhi paśla Minska kancert u padtrymku alboma piesień na vieršy biełaruskich kłasikaŭ «Biełaja jabłynia hromu». Volski simvalična pačaŭ vystup z kampazicyi «Zasnavańnie Vilni» na słovy Jana Čačota. U kłubie «Mulen Ružas» pasłuchać muzykaŭ sabralisia studenty i administracyja EHU, miascovyja biełarusy, litoŭskaja moładź, što ŭ vyniku skłała niečakana ŭražlivuju kolkaść słuchačoŭ.
Paśla vyklučna paetyčnaj asałody niekalkimi pieśniami naviedvalniki pačali prymiarać novy albom da tancavalnaha farmatu.
I hetaje spałučeńnie atrymałasia ŭdałym!
Pad chutkija rytmy prysutnyja ščyra skokali ad dušy, a pry pavolnaj pieśni ŭsie, abchapiŭšy susiedziaŭ za plečy, pa‑kinošnamu hojdalisia z boku ŭ bok, nie zvažajučy na stupień znajomstva ci nacyjanalnaść.
Administracyja univiersiteta na čale z rektaram Anatolem Michajłavym nie prosta vytrymała ton prystojnaści, prasłuchaŭšy paru ŭstupnych piesień, ale prabyła da samaha kanca, uklučna z bonus‑častkaj vykanańnia starych dobrych chitoŭ «Krambambuli». Niachaj praz mocnuju hučnaść muzyki i davodziłasia časam prykryvać vušy.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary