Były kiraŭnik Panamy 72‑hadovy Manuel Antonijo Narjeha byŭ u paniadziełak ekstradavany z ZŠA ŭ Francyju
Narjeha, jaki pryjšoŭ da ŭłady ŭ 1983 hodzie, spačatku ličyŭsia sajuźnikam ZŠA, ale da kanca 1980‑ch pieratvaryŭ svaju nievialikuju krainu ŭ pieravałačny punkt dla kałumbijskaha kakainu.
U śniežni 1989 u chodzie śpiecapieracyi jon byŭ aryštavany ŭ Panamie amierykanskimi vajskoŭcami, vyviezieny ŭ ZŠA i praz try hady asudžany ŭ Fłarydzie da 30 hadoŭ źniavoleńnia za ŭdzieł u narkahandli.
Dva hady tamu Narjeha byŭ daterminova vyzvaleny, ale zastaŭsia ŭ turmie ŭ čakańni ekstradycyi ŭ Francyju, dzie jaho ŭ 1999 hodzie zavočna prysudzili da 10 hadoŭ i hrašovaha štrafu za handal narkotykami i admyvańnie hrošaj praz paryžskija banki.
Fiederalny sud Majami pryniaŭ rašeńnie ab ekstradycyi Narjehi ŭ Francyju jašče 28 žniŭnia 2007 hoda, ale jaho advakaty nastojvali na tym, što ich padabaronny, jakomu nieŭzabavie paśla vyniasieńnia prysudu byŭ dadzieny ŭ ZŠA status vajennapałonnaha, nie padlahaje vydačy trecim krainam i pavinien być adpraŭleny ŭ Panamu.
Zrešty, i heta nie palehčyła b los eks‑dyktatara, bo ŭ 1995 hodzie Panamski sud zavočna pryznaŭ jaho vinavatym ŭ palityčnych zabojstvach i prysudziŭ da 20 hadoŭ turmy.
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary