Abmiežavańnie pačniecca z 5 maja.
Abmiežavańni suviazi ŭ Maskvie pierad paradam 9 maja stanuć bolš mahutnymi, zajaviła Bi-bi-si krynica, blizkaja da «Rastelekama», a taksama paćvierdziŭ surazmoŭca, blizki da adnaho z apierataraŭ suviazi.
Pavodle źviestak vydańnia, 5, 7 i 9 maja buduć abmiažoŭvać nie tolki mabilnuju suviaź, ale i SMS, pryčym nie tolki ŭ centry Maskvy, ale i ŭ miežach MKAD.
Abmiežavańnie zakranie navat pracu «biełych śpisaŭ». U «biełyja śpisy» ŭłady ŭklučajuć internet-resursy, dastupnyja padčas abmiežavańniaŭ pracy mabilnaha internetu.
U pačatku sakavika ŭ centry Maskvy pačali rehularna adklučać mabilny internet — nie pracavali navihacyja, terminały apłaty i navat płatnyja prybiralni. Internetu faktyčna nie było try tydni, jaho viarnuli 24 sakavika bieź jakich-niebudź paviedamleńniaŭ abo tłumačeńniaŭ.
Kamientary