Na hramadskaje abmierkavańnie vyniesieny prajekt detalovaha płanavańnia histaryčnaha centra Zasłaŭja. Pra heta BiełTA paviedamili ŭ Minskim rajvykankamie. Mierkavańni ludziej nakont budučych źmien buduć źbirać z 30 krasavika pa 14 maja.
Detalovy płan zakranaje terytoryju centralnaj častki Zasłaŭja ŭ miežach vuł. Prajektavanaj №2 — čyhunki — kanała (raki Kniahińki) — kanała Vilejska-Minskaj vodnaj sistemy — raki Čarnicy. Hetaja terytoryja ŭklučaje histaryčnuju zabudovu ahulnaj płoščaj 60,6 ha. Prajektam vyznačany nastupnyja etapy: pieršy etap realizacyi — da 2030 hoda, druhi etap — da 2040 hoda.
Metaj raźvićcia centra Zasłaŭja źjaŭlajecca pavyšeńnie jaho horadabudaŭničaj kaštoŭnaści, turystyčnaha patencyjału, farmiravańnie dla žycharoŭ i haściej horada cikavaha i spryjalnaha dla žyćciadziejnaści asiarodździa. Adnačasova heta stvoryć pieradumovy dla pavieličeńnia prestyžu horada i jaho pryvabnaści dla inviestaraŭ.
Prajektam praduhledžvajecca ŭźviadzieńnie šmatkvaternaj małaetažnaj i siadzibnaj zabudovy, abjektaŭ hramadskaha absłuhoŭvańnia i sacyjalnych prastoraŭ, uklučajučy ŭstanovy adukacyi, handlovyja abjekty i abjekty hramadskaha charčavańnia, apteki, abjekty bytavoha absłuhoŭvańnia, suviazi, adździaleńni bankaŭ, a taksama šmatfunkcyjanalny hramadska-handlovy centr, spa-kompleks, centr ramiostvaŭ (ź mini-piakarniaj, hančarnaj majsterniaj, majsterniami sałomaplacieńnia, tkactva) i inš.
Prezientacyja prajekta adbudziecca 6 maja ŭ 18:00 u budynku Zasłaŭskaha harvykankama pa adrasie: horad Zasłaŭje, vulica Vialikaja, 1.
Kamientary