Biełaruskaja movaznaŭca i pierakładčyca z anhlijskaj movy, kandydat fiłałahičnych navuk pamierła na 87‑m hodzie žyćcia, piša Radyjo Racyja.
Alena Tabolič naradziłasia ŭ vioscy Horna Zelvienskaha rajona 15 krasavika 1940 hoda. Skončyła Zelvienskuju siaredniuju škołu №1, paśla — Minski instytut zamiežnych moŭ. Niekatory čas pracavała ŭ škole nastaŭnicaj.
U 2000‑ia hady ŭ składzie pracoŭnaj hrupy ź siami movaznaŭcaŭ udzielničała ŭ padrychtoŭcy «Stratehii raźvićcia biełaruskaj movy ŭ XXI stahodździ» dla Tavarystva biełaruskaj movy.
U 1989 hodzie stała adnoj sa składalnikaŭ «Anhlijska-biełaruska-ruskaha słoŭnika». U 1995 hodzie — «Kišennaha anhlijska-biełaruska-ruskaha słoŭnika». Vydała ŭ knihi pierakładaŭ «Srebny doždž» (1999 h.), «Lichtaryk hłohu» (2006 h.). U knihu «Srebny doždž» uvajšli pierakłady vieršaŭ 29 amierykanskich i anhlijskich paetaŭ. U knihu «Lichtaryk hłohu» ŭvajšli pierakłady vieršaŭ amierykanskich i brytanskich paetaŭ na biełaruskuju movu. Asobny raździeł skłali biełaruskija vieršy ŭ pierakładzie na anhlijskuju, takich paetaŭ, jak: Ryhor Baradulin, Danuta Bičel, Łarysa Hienijuš, Michaś Skobła i Siarhiej Paniźnik.
U 2013 hodzie pierakładčyca stała adnoj z układalnic «Anhlijska-biełaruskaha słoŭnika» na 60 000 słoŭ (765 staronak). U 2019 hodzie pierakłała na anhlijskuju fotaalbom Anatola Kleščuka «Pad niebam Biełarusi».
Kamientary