«Siadzieć na viaršyni hary ŭ Šviejcaryi i pić da straty prytomnaści». Rute raskazaŭ pra ich ź Zialenskim płany na paśla vajny
Hienieralny sakratar NATA ŭ papularnym niderłandskim tok-šou Pauw & De Witr raskazaŭ, jak jany z prezidentam Ukrainy chacieli b adznačyć zakančeńnie vajny.
Viadoŭca nahadaŭ Rute, što Zialenski i papiaredni hiensak NATA Jens Stołtenbierh damaŭlalisia paśla vajny razam pajechać na rybałku. I spytaŭ, ci jość padobny płan u Rute.
«My siadziem na viaršyni šviejcarskaj hary», — adkazaŭ toj.
Na ŭdakładnieńnie, što jany buduć tam rabić, Rute adkazaŭ, što jany buduć siadzieć na viaršyni šviejcarskaj hary i buduć tam pić da ŭpadu.
Pavodle hiensaka NATA, jany ź Zialenskim sapraŭdy abmiarkoŭvali taki adpačynak.
Rute taksama raskazaŭ, što pierad aficyjnymi pieramovami jany ź Zialenskim niaredka spačatku razmaŭlajuć sam-nasam. U takich razmovach abmiarkoŭvajuć i asabistaje: jak vytrymlivajuć nahruzku, jak spraŭlajucca fizična. Pavodle Rute, pobač ź ciažaram taho, što adbyvajecca, zastajecca miesca dla žartaŭ i maraŭ.
«Jak ža było b cudoŭna, kali b usio heta narešcie skončyłasia! I ty zmoh by žyć biez usioj hetaj achovy i dronaŭ nad hałavoj», — pierakazaŭ jon svaje słovy Zialenskamu.
Ciapier čytajuć
U ramkach «novaj architektury biaśpieki» Maskva prapanuje vyvieści jadziernuju zbroju i «Iskandery» ź Biełarusi — infarmacyja pra pieramovy ŭ Abu-Dabi21
Kamientary