Znajomy abrabavaŭ znajomaha ź internetu, u jaho vyjavili ceły arsienał zbroi
Nočču na liniju 102 źviarnuŭsia 26‑hadovy minčuk: znajomy jamu ŭ tvar mužčyna, pahražajučy pradmietam, padobnym da pistaleta, zabraŭ u jaho dźvie tysiačy dalaraŭ i ŭciok.
Na miesca zdareńnia vyjechali milicyjaniery, paviedamlaje «Milicyja Minska».
Vyśvietliłasia, što mužčyny pieryjadyčna razmaŭlali ŭ internecie, a napiaredadni surazmoŭca prapanavaŭ sustrecca. Paciarpieły pryjechaŭ na aŭtamabili, u sałonie jakoha znachodzilisia hrošy ad prodažu inšaj mašyny. Fihurant sieŭ na pasažyrskaje siadzieńnie, dastaŭ zbroju i zapatrabavaŭ addać hrošy.
Z dapamohaj Respublikanskaj sistemy manitorynhu hramadskaj biaśpieki, a taksama padčas adpracoŭki žyłoha siektara apieratyŭniki supolna z učastkovymi vyznačyli 38‑hadovaha žychara Minskaj vobłaści.
Pry siłavoj padtrymcy bajcoŭ AMAPa mužčynu zatrymali.
U jaho kanfiskavali niezarehistravany pistalet Beretta, pnieŭmatyčnuju vintoŭku i bojeprypasy. Niekalki hadoŭ tamu jon nabyŭ zbroju za miažoj praź internet.
Častku skradzienych hrošaj zatrymany paśpieŭ patracić astatnija ŭdałosia viarnuć.
Śledčyja raspačali kryminalnuju spravu.
Ciapier čytajuć
Advakat Alaksandr Danilevič: Mianie adviali ŭ kletku na KPP i začytali ŭkaz dla słužbovaha karystańnia pra pamiłavańnie pa prośbie Mižnarodnaha alimpijskaha kamiteta88
Kamientary