Za apošni tydzień u Zavodskim RUUS Minska raspačaty dźvie kryminalnyja spravy pa faktach niezakonnaha vykarystańnia zapravačna-mahnitnych kartak pradpryjemstvaŭ u asabistych patrebach.
Jak paviedamili ŭ adździele infarmacyi i hramadskich suviaziej HUUS Minharvykankama, spačatku byŭ zatrymany 43-hadovy žychar Smalavickaha rajona, jaki pracavaŭ kiroŭcam na adnym ź minskich pradpryjemstvaŭ, što śpiecyjalizujucca na hruzapieravozkach u Rasiju i krainy SND. Budučy na adnoj z aŭtazapravačnych stancyj pa Partyzanskim praśpiekcie, jon prapanoŭvaŭ kiroŭcam vialikahruznych aŭtamašyn dyzielnaje paliva na 600—700 rubloŭ tańniejšaje za ŭstanoŭlenuju canu. Jak vyśvietliłasia, złamyśnik trojčy vykarystoŭvaŭ zapravačna-mahnitnuju kartku, zalivajučy ŭ baki pabočnych hruzavikoŭ apłačanaje pradpryjemstvam paliva, hrošy za jakoje prysvojvaŭ.
Jaho prybytak i adpaviedna straty subjekta haspadarańnia skłali kala 5 młn. rubloŭ.
Pa padazreńni va ŭčynieńni anałahičnaha złačynstva taksama zatrymany 39-hadovy kirroŭca jašče adnaho transpartnaha pradpryjemstva. Jon niezakonna vykarystoŭvaŭ zamacavanuju za im kartku na aŭtazapraŭcy, raźmieščanaj pa vulicy Kabuškina. Usiaho złamyśnik vykraŭ dyzielnaha paliva na sumu bolš jak 2 młn. 800 tys. rubloŭ.
Śledčym adździełam papiaredniaha rasśledavańnia Zavodskaha RUUS u dačynieńni da abodvuch padazronych raspačaty spravy na padstavie č. 1. art. 211 Kryminalnaha kodeksa (prysvajeńnie abo rastrata).
«Jana nie ŭ turmie, a na śpiecdačy KDB!» Kanśpirołahi nakinulisia na Kaleśnikavu24
Kamientary