Ekanamičny sud SND daŭ Biełarusi i Rasii try miesiacy na vyrašeńnie sprečki pa pošlinach na naftapradukty pa-za sudom. Tym samym sud zadavoliŭ chadajnictva rasijskaha boku, pieradaje karespandent BIEŁTA.
Pieranieści pasiadžeńnie pa sprečcy ab mytnych pošlinach na naftapradukty na try miesiacy paprasiŭ rasijski bok, jaki spadziajecca za hety čas urehulavać sprečku ŭ pazasudovym paradku. Biełaruski bok u svaju čarhu nie suprać pieranosu razhladu spravy na hety termin.
Nastupnaje pasiadžeńnie Ekanamičnaha suda SND, na jakim budzie razhladacca pytańnie ab pravamiernaści spahnańnia Rasijaj mytaŭ na naftu j naftapradukty, što pastaŭlajucca ŭ Biełaruś, adbudziecca 19 studzienia 2011 hoda.
Jak paviedamlałasia raniej, Ekanamičny sud SND (ES SND) admoviŭ u zadavalnieńni chadajnictva Biełarusi ab uviadzieńni dla Rasii časovaj zabarony na spahnańnie vyvaznych mytaŭ. Takoje rašeńnie było pryniata na pasiadžeńni ES SND u Minsku 7 vieraśnia.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»32
Kamientary