Na čarhovym pasiadžeńni Savieta ministraŭ Sajuznaj dziaržavy, jakoje projdzie 15 kastryčnika ŭ Maskvie, płanujecca razhledzieć bolš jak 30 pytańniaŭ. Pra heta paviedamiŭ Alaksandru Łukašenku prem'jer-ministr Siarhiej Sidorski.
Jak paviedamlaje pres-słužba prezidenta, u centry ŭvahi budzie znachodzicca vykanańnie biudžetu Sajuznaj dziaržavy ŭ 2010 hodzie, biudžet nastupnaha hoda, pytańni raźvićcia handlova-ekanamičnych adnosin za 9 miesiacaŭ 2010 hoda, źniešniehandlovych adnosin z Rasijskaj Fiederacyjaj. U postkryzisny hod Biełaruś i Rasija demanstrujuć niadrennyja tempy rostu abjomu tavaraabarotu, što daje padstavy raźličvać na dobryja vyniki handlu za hod. Jak adznačyŭ Siarhiej Sidorski, na Saŭminie płanujecca taksama «vyznačyć tyja nišy, dzie abiedźvie krainy mohuć jašče dadać u handli».
Na pasiadžeńni Saŭmina buduć abmierkavany i pytańni vajenna-palityčnaha supracoŭnictva, u pryvatnaści, tyja, što tyčacca achovy sumiesnaj miažy, vychadu na realizacyju damoŭlenaściaŭ, dasiahnutych na minułym pasiadžeńni Vyšejšaha Dziaržsavieta ŭ Maskvie pa sumiesnych SPA i hrupoŭkach vojskaŭ, što zabiaśpiečvajuć achovu i bajazdolnaść Sajuznaj dziaržavy.
Akramia taho, na razhlad udzielnikaŭ pasiadžeńnia vyniesieny pytańni inavacyjnaha supracoŭnictva. Płanujecca zaćvierdzić šerah mierapryjemstvaŭ na 2011–2015 hady pa raźvićci mikra-, bijatechnałohij i inšych kirunkaŭ.
Buduć abmierkavanyja taksama pytańni zabieśpiačeńnia roŭnych pravoŭ hramadzian dźviuch krain.
U druhoj pałovie dnia zapłanavana rabočaja sustreča prem'jer-ministraŭ Biełarusi, Kazachstana i Rasii, jakaja budzie pryśviečana abmierkavańniu pytańniaŭ Mytnaha sajuza. Ekśpierty i vice-premjery troch krain detalova prapracavali niekatoryja kirunki, pakinuŭšy na razhlad prem'jer-ministraŭ sprečnyja momanty ŭ enierhietycy i čyhunačnych pieravozkach hruzaŭ.
Siarhiej Sidorski paviedamiŭ prezidentu, što buduć pryniatyja ŭsie miery, kab u listapadzie-śniežni vyjści na «afarmleńnie hatovych dakumientaŭ pa Adzinaj ekanamičnaj prastory».
Kamientary