U Litvy zastajucca piarečańni pa pradastaŭlenaj Biełaruśsiu spravazdačy ab acency ŭździejańnia budučaj AES na navakolnaje asiarodździe (AUNA), paviedamlaje litoŭskaje MZS.
Aficyjnaja Vilnia abvierhła infarmacyju, jakuju abnarodavaŭ kiraŭnik nacyjanalnaj kamisii pa radyjacyjnaj abaronie pry Saviecie ministraŭ Biełarusi Jakaŭ Kienihśbierh. 24 listapada jon, u pryvatnaści, zajaviŭ: Litva źniała ŭsie piarečańni pa AUNA, jakija mielisia. «Śpiecyjalisty Litvy paśla apošniaha vizitu ŭ Minsk źniali ŭsie piarečańni pa biełaruskaj spravazdačy ab AUNA. My adkazali na ŭsie pytańni, jakija niepakoili litoŭski bok, i ŭsie supiarečnaści byli źniaty», — skazaŭ biełaruski čynoŭnik.
Pry hetym kiraŭnik kamisii nahadaŭ, što Litva sama źbirajecca budavać Visahinaŭskuju AES, jakaja budzie raźmieščana niepasredna na miažy ź Biełaruśsiu.
"Jak było zajaŭlena 18 červienia 2010 hoda padčas sustrečy pradstaŭnikoŭ Litvy i Biełarusi ŭ Minsku, a taksama ŭ liście Ministerstva achovy navakolnaha asiarodździa Litvy, vysłanym 9 lipienia Ministerstvu pryrodnych resursaŭ i achovy navakolnaha asiarodździa Biełarusi, praces AUNA nielha ličyć zakončanym, pakul biełaruski bok nie pradastaviŭ usie adkazy", — havorycca ŭ zajavie litoŭskaha MZS.
Zaznačajecca taksama, što «Litva nie atrymlivaje adkazy na pradstaŭlenyja pytańni nakont prajekta biełaruskaj atamnaj elektrastancyi, čamu dla ažyćciaŭleńnia hetaha prajekta była vybrana mienavita Astravieckaja placoŭka, jakaja znachodzicca ŭsiaho ŭ 50 kiłamietrach ad stalicy Litvy Vilni».
«Dvuchbakovuju sustreču ŭ červieni Litva admaŭlajecca pryznać kansultacyjami pa Kanviencyi Espa ab acency ŭździejańnia na navakolnaje asiarodździe ŭ tranśmiežavym kantekście, pakolki nie byli vykanany patrabavańni kanviencyi ab svoječasovym i vyčarpalnym infarmavańni, arhanizacyi publičnych abmierkavańniaŭ i inšych pracedurach, zhadanych u kanviencyi», — skazana ŭ paviedamleńni MZS.
Ciapier čytajuć
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach66
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach6
«Kali i pryjedu ŭ Biełaruś, to ŭžo jak turyst». Arhienciniec chacieŭ zrabić biznes u Biełarusi, ale jaho vysłali za drabiazu. Ciapier dazvolili viarnucca, ale jość niuans22
Kamientary