Heta 11 krasavika 1954 h.
U Vialikabrytanii vyśvietlili, što 11 krasavika 1954 h. byŭ samym sumnym dniom u hodzie. Nie pamior nivodny čałaviek, nichto viadomy nie naradziŭsia, nie adbyłosia nivodnaj značnaj padziei,
paviedamlaje The Guardian.
Ekśpierty tolki zmahli daviedacca, što ŭ hety dzień prachodzili vybary ŭ Bielhii, naradzilisia niekalki tureckich navukoŭcaŭ (samy viadomy ź ich - Abduła Atałar) i pamior adzin z anhlijskich futbalistaŭ va ŭzroście 69 hadoŭ. «Ironija ŭ tym, što hety dzień zapomnicca ŭ historyi ... jak samy sumny», - kaža pravioŭ daśledavańnie Uiljam Tanstołu Pido. Pavodle jaho słoŭ, užo nastupny «byŭ poŭny padziejami». Jak minimum byŭ zapisany chit Biła Chejli «Rock Around the Clock».
Tanstołu Pido rastłumačyŭ, što «samy sumny dzień» znajšli z dapamohaj pošukavych sistem. U radok pošuku pisali navinavyja zahałoŭki nakštałt «paciarpieŭ katastrofu samalot u ...», «naradziŭsia viadomy ...», «kampanija pradadzienaja ...». Na luby dzień u XX stahodździ znachodziŭsia choć by adny chiedłajn, akramia 11 krasavika 1954 hoda.
«U vyniku hety dzień nie charakterny ni dla kaho, akramia Abduły Atałara», - padsumavaŭ Tanstołu Pido.
Usiu Biełaruś pačali razmaloŭvać prymityŭnymi murałami ad BRSM 7
Kamientary