21 śniežnia na bryfinhu ŭ Vašynhtonie pamočnik dziaržsakratara ZŠA Filip Kroŭli vykazaŭ nadzieju na toje, što padziei ŭ Biełarusi, źviazanyja z prezidenckimi vybarami, a taksama reakcyja na hetyja padziei z boku ZŠA nie paŭpłyvajuć na damoŭlenaść ab likvidacyi Biełaruśsiu zapasaŭ vysokaŭzbahačanaha ŭranu.
Jadziernaja damoŭlenaść «važnaja dla mižnarodnaj supolnaści, uklučajučy inšyja dziaržavy rehijonu», zajaviŭ Kroŭli. «Chočacca spadziavacca, što heta supracoŭnictva budzie praciahvacca», — skazaŭ jon.
Razam z tym «fundamientalnaje palapšeńnie ŭ našych dvuchbakovych adnosinach budzie mahčymym tolki na padstavie značnaha palapšeńnia ŭradavaj palityki, jakaja ŭpłyvaje na demakratyju i pravy čałavieka», padkreśliŭ dypłamat.
Dziaržsakratar ZŠA Chiłary Klintan i ministr zamiežnych spraŭ Biełarusi Siarhiej Martynaŭ u sumiesnaj zajavie, pryniataj 1 śniežnia ŭ Astanie, paćvierdzili prychilnaść svaich krain da spravy jadziernaj biaśpieki i jadziernaha nieraspaŭsiudžańnia.
Martynaŭ abjaviŭ, što Biełaruś pryniała rašeńnie ab likvidacyi ŭsich svaich zapasaŭ vysokaŭzbahačanaha ŭranu i maje namier ažyćciavić heta da nastupnaha samita pa jadziernaj biaśpiecy ŭ 2012 hodzie.
«ZŠA majuć namier akazać techničnuju i finansavuju dapamohu dla jak maha najbolš chutkaha ažyćciaŭleńnia hetych mier», — paviedamlała
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary