U 2011 hodzie ŭ Biełarusi nabyvaje moc šerah źmianieńniaŭ u padatkovym zakanadaŭstvie.
Jak paviedamili ŭ Ministerstvie finansaŭ, u asnovie źmianieńniaŭ lažać try asnoŭnyja kirunki. Skaročana kolkaść padatkaŭ, što dazvolić źnizić padatkovuju nahruzku na ekanomiku. Skaročana pieryjadyčnaść vypłaty padatkaŭ i padačy padatkovaj dekłaracyi. Heta źnizić časavyja i pracoŭnyja zatraty padatkapłacielščyka na vypłatu padatkaŭ. Udaskanaleny miechanizm źbirańnia asnoŭnych paradkaŭ i pašyrany inviestycyjnyja lhoty.
U pryvatnaści, z 2011 hoda admianiajucca dva miascovyja padatki — zbor na raźvićcio terytoryj i miascovy padatak na pasłuhi. U składzie ekanamičnaha padatku admianiajucca try płaciažy. Asnovu padatkovaj sistemy ciapier składajuć padatki na spažyvańnie, na prybytak i dachody, na ŭłasnaść, ziamielny padatak i sacyjalnyja płaciažy. Pryčym zvyčajnyja płacielščyki buduć vypłačvać z hetaha pieraliku ŭsiaho piać płaciažoŭ. Padača dekłaracyj pa hetych padatkach budzie ažyćciaŭlacca pieravažna adzin raz u kvartał. Jašče piać hadoŭ tamu abaviazkovych płaciažoŭ było bolš za 20, a dekłaracyi padavalisia štomiesiac.
Jak čakajecca, z ulikam taho, što zatraty na vypłatu padatkaŭ źnižajucca jak z boku płacielščykaŭ, tak i padatkovych orhanaŭ, usio heta budzie sadziejničać raźvićciu pradprymalnickaj dziejnaści.
Akramia taho, dla vyrašeńnia pytańniaŭ aktyvizacyi inviestycyjnaj dziejnaści z 2011 hoda ŭdaskanalvajucca asnoŭnyja inviestycyjnaja lhoty ŭ padatkovym zakanadaŭstvie. Siońnia jany pakul prymianiajucca z abmiežavańniami, a z nastupnaha hoda hetyja abmiežavańni zdymajucca. Pa padatku na prybytak buduć ilhatavacca kapitalnyja ŭkładańni niepasredna pry ich ažyćciaŭleńni, prybytak, jaki nakiroŭvajecca na kapitalnyja ŭkładańni, budzie vyzvalacca ad padatku.
Pa PDK zdymajecca abmiežavańnie pa padatkovych vylikach, jakija ažyćciaŭlajucca pry inviestycyjach.
Pavodle acenak Minfina, u cełym pryniatyja miery dazvolać źnizić padatkovuju nahruzku ŭ 2011 hodzie na 0,4% VUP, što składzie bolš čym 700 młrd. rubloŭ.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary