EUObserver: Sankcyi mohuć być uviedzieny suprać biełaruskich eksparcioraŭ zbroi
Pavodle źviestak vydańnia, jakoje źjaŭlajecca ruparam struktur Jeŭrasajuza, ekśpierty, imiony jakich nie razhałošvajucca, rekamendavali ES uvieści kropkavyja sankcyi ŭ dačynieńni da biełaruskich kampanij «Biełtechekspart» i «Biełźniešpramservis», jakija aficyjna ŭpaŭnavažanyja na ekspart uzbrajeńniaŭ. «Prybytak ad hetaha, jak kažuć, pastupaje niepasredna na asabistyja bankaŭskija rachunki» vysokich čynoŭnikaŭ režymu, — miarkuje EUObserver.
Pavodle źviestak EUObserver, pasolstvy krain ES u Minsku rychtujuć śpis asobaŭ, jakim budzie abmiežavany ŭjezd u ES. Čakajecca, što jon budzie pradstaŭleny dla razhladu na pasiadžeńni kamiteta ES pa palitycy i biaśpiecy 7 studzienia ŭ Bruseli. Krynica ŭ dyplamatyčnych kołach paviedamiła vydańniu, što ŭ papiaredniuju viersiju śpisu ŭklučana ŭžo bolš za 100 čałaviek. Siarod ich, napeŭna, apyniecca i Alaksandr Łukašenka, paviedamiŭ ministr zamiežnych spravaŭ Šviecyi Karł Bilt.
Bilt taksama adznačyŭ, što ES nie abmiažujecca vizavymi sankcyjami. «Pytańnie ekanamičnaj dapamohi nie ŭvachodzić ŭ paradak dnia, prynamsi. u bližejšaj budučyni», — skazaŭ jon.
Akramia taho jeŭrapiejcy skarociać lik prajektaŭ, što realizujucca pry ŭdziele biełaruskich uładaŭ. U toj ža čas Jeŭrasajuz moža pavialičyć dapamohu biełaruskaj hramadzianskaj supolnaści. Praŭda, kankretnaha płanu, jak toje zrabić nie bačycca, akramia jak zachavać finansavańnie Jeŭrapiejskaha humanitarnaha ŭniviersiteta ŭ Vilni.
Na dumku šviedskaha ministra. paślavybarčaja reakcyja Łukašenki mieła psichałahičnyja pryčyny. Heta byŭ adkaz na «prynižeńnie» ad taho, što jon nie vyjhravaŭ pieršaha turu vybaraŭ česna.
«Ja nie dumaju, što ŭ jaho jość padtrymka Maskvy ci što Maskva na jaho ŭpłyvaje, — skazaŭ Bilt. — Dumaju, jon paviarnuŭsia śpinaj da ŭsich. Da Zachadu jon paviarnuŭsia śpinaj dakładna», — skazaŭ šviedski ministr, jaki maje vyznačalny ŭpłyŭ na farmulavańnie ŭschodniaj palityki ES.
U Biełarusi znajšli kopiju šviejcarskich Alpaŭ — ale turystaŭ tam nie čakajuć2
Kamientary