Ciapierašni kurs krainy pačynajuć padtrymlivać bahatyja i zabiaśpiečanyja.
Daśledčy centar Instytutu pryvatyzacyi i menedžmentu było pravioŭ apytańnie, kab vyśvietlić staŭleńnie biełarusaŭ da kaštoŭnaściaŭ rynkavaj ekanomiki. Respandentam prapanoŭvałasia adkazać na ceły šerah pytańniaŭ, źviazanych z hetaj temaj. Niekatoryja vyniki dajuć prastory dla značnych rozdumaŭ.
Vielmi pakazalnym źjaŭlajecca pytańnie ab siarednich zarobkach nasielnictva: 25% atrymlivajuć mienš za 100 dalaraŭ, 32% -- ad 100 da 150 dalaraŭ, pa 22% ad 150 da 200 dalaraŭ i 21% -- zvyš 200.
Najbolš zabiaśpiečanymi źjaŭlajucca žychary Miensku i bujnych haradoŭ. Tolki tracina apytanych moža dazvolić sabie jakasnuju ježu i vopratku. Razam z tym 40% moža nabyć sabie patrymany ci novy aŭtamabil, a kvateru ŭ stanie nabyć 12% nasielnictva.
Čverć nasielnictva aproč asnoŭnaj pracy maje jašče i padpracoŭki. Adpaviedna vynikam apytańnia najbolš mabilnymi i aktyŭnymi, što datyčyć padpracovak, źjaŭlajucca vajskoŭcy i milicyjanty, a taksama menedžery siaredniaha i vyšejšaha źviana.
40% apytanych kaža, što nie adčuvaje ničoha novaha ŭ ciapierašniaj ekanamičnaj sytuacyi, čverć kaža pra toje, što davodzicca «krucicca», kab zabiaśpiečyć rodnym hodnaje žyćcio, 17,8% vykarystoŭvaje sytuacyju, kab dabicca ŭ žyćci bolšaha. Tolki 4,3% nijak nia mohuć prystasavacca da siońniašnich realijaŭ.
Žychary viosak i małych rajonnych haradkoŭ ličać, što bližejšym časam ichniaje žyćcio nijakim čynam nia źmienicca. Toje ž dumajuć i mienčuki. Zatoje nasielniki bujnych i abłasnych haradoŭ ličać, što ich čakajuć źmieny da lepšaha. Da horšaha va ŭsich nasielenych punkatach rychtujecca ad 5,5 da 9,5% nasielnikaŭ. Treba adznačyć, što apytańnie pravodziłasia ŭ lipieni, tamu nasielnictva nie adreahavała na mahčymaje pavyšeńnie koštaŭ na haz.
Što cikavaje, biełarusaŭ bolš za ekanamičnyja prablemy chvalujuć sacyjalnyja kštałtu pjanstva.
Ludzi starejšaha vieku najpierš dumajuć, što ekanamičnaje stanovišča ŭ krainach Bałtyi horšaje za biełaruskaje, moładź u svaju čarhu maje advarotnaje mierkavańnie.
Žychary Miensku ličyć najbolš efektyŭnaj eŭrapiejskuju madel ekanamičnaha raźvićcia, a voś nasielniki viosak, rajonnych i abłasnych haradoŭ vykazvajucca za taki typ, jaki isnuje zaraz u Biełarusi, nazyvajučy jaho najbolš efektyŭnym.
Viera nasielnictva ŭ toje, što ŭ krainie pravodziacca rynkavyja reformy, zaležyć ad zarobku apytanych. Čym nižejšy zarobak, tym bolšaja viera i naadvarot. 81% nasielnikaŭ ličać, što Biełarusi nieabchodnyja rynkavyja pieraŭtvareńni
Absalutnaja bolšaść respandentaŭ niezaležna ad zarobku ličać, što za apošnija hady Biełaruś dasiahnuła bolšych pośpiechaŭ u ekanamičnaj sfery za susiednija krainy.
Tolki 31% respandentaŭ ličyć, što Biełaruś i Rasieja musiać stvaryć sajuznuju dziaržavu z adnoj valutaj, parlamentam i prezydentam, jašče mienš – 29%, vykazvajucca za toje, kab Biełaruś uvajšła ŭ skład Rasiei. Razam z tym 55% apytanych vykazvajecca za toje, kab Biełaruś uvajšła ŭ Eŭrasajuz, ale stolki sama respandentaŭ ličać, što ŭrady zachodnich krainaŭ pieraškadžajuć raźvićciu biełaruskaj ekanomiki.
Prychilnikaŭ pieramienaŭ najbolš siarod pradstaŭnikoŭ maładoha i siaredniaha pakaleńniaŭ – da traciny. Cikava, što najbiadniejšyja płasty nasielnictva źjaŭlajucca prychilnikami rynkavych reformaŭ ci ciaśniejšaj intehracyi z Rasiejaj, a najbaciejšyja padtrymlivajuć ciapierašni kurs krainy, ale vystupajuć suprać intehracyi z Rasiejaj. Takim čynam adbyvajecca źmiena asnoŭnaj elektaralnaj bazy dziejsnaha prezydenta.
Navinam telebačańnia i inšych dziaržaŭnych ŚMI najpierš daviarajuć u nievialikich nasielenych punktach, z pavieličeńniem kolkaści nasielnictva ŭ horadzie pavyšajecca adpaviedna i davier da Internetu i niezaležnych vydańniaŭ.
Tolki kožny piaty respandent štodnia karystajecca Internetam. 48% im uvohule nie karystajecca, a 17% nia viedajuć, što heta takoje.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary