Viačasłaŭ Charanieka: Kab viedaŭ, što teraryst byŭ pobač, zabiŭ by jaho
Viadomy hiravik-rekardsmien u momant vybuchu ŭ mietro moh być u ličanych mietrach ad padazravanaha ŭ ździajśnieńni teraktu.
Viadomy hiravik-rekardsmien u momant vybuchu ŭ mietro moh być u ličanych mietrach ad padazravanaha ŭ ździajśnieńni teraktu
13 krasavika adno za adnym źjavilisia paviedamleńni pra padazravanych u ździajśnieńni teraktu ŭ mietro 11 krasavika. Spačatku viałosia pra słovy vidavočcy, jaki zdoleŭ pabačyć 10-chvilinny rolik, na jakim zafiksavany šlach terarysta da stancyi mietro Kastryčnickaja, zmantavany na asnovie zapisaŭ kamier nazirańnia mietro. Pa jaho słovach, na videa bačna, jak nieviadomy čałaviek ź vialikaj ciažkaj sumkaj zajšoŭ u mietro na stancyi «Frunzienskaja», pryjechaŭ na «Kupałaŭskuju». Adtul praz tunel pryjšoŭ na «Kastryčnickuju». Zapchnuŭ sumku pad łavu i padniaŭsia pa prystupkach da tunelu, što viadzie da «Kupałaŭskaj». Na placoŭcy pierad tunelem nibyta pryvioŭ u dziejańnie vybuchovaje prystasavańnie. Apošniaje miesca, dzie videakamiera zafiksavała padazravanaha – vychad z stancyi «Kupałaŭskaja» z boku Kupałaŭskaha teatru.
Paźniej pra videa z padazravanym, jaki prarabiŭ šlach ź ciažkaj torbaj ad «Frunzienskaj» da «Kastryčnickaj», aficyjna paviedamiła śledstva.
Pakul nie apublikavanaje videa, źniataje na stancyjach minskaha mietro, rana rabić niejkija vysnovy.
Adnak, kali dapuścić, što videa isnuje nasamreč, to, mahčyma, u śledstva jość karysny śviedka.Heta hiravik-rekardsmien Viačasłaŭ Charanieka, jaki na momant vybuchu pa jaho słovach, byŭ u na stancyi mietro «Kastryčnickaja». I mienavita na toj samaj placoŭcy pierad tunelem.
«Ja musiŭ sustrecca ź siabram u mietro. Čakaŭ jaho na placoŭcy pierad tunelem. Pamiataju, jak hlanuŭ na hadzińnik, było niedzie 17.50. Siabar spaźniaŭsia. Heta, mahčyma, jaho vyratavała, bo vybuch zaśpieŭ jaho ŭ ličanych mietrach ad eskałatara», — raskazaŭ «NN» Viačasłaŭ Charanieka. Pačuŭšy hučny chłapok, jon instyktyŭna prysieŭ. «Heta mianie ŭratavała, mianie tolki čyrknuła pa ŭskosnaj askołkam. Moža dapamahło i toje, što na hałavie była biejsbołka», — kaža Charanieka.
Jon pryhadvaje, što paśla vybuchu nieznajomy małady čałaviek, jaki byŭ pobač, dapamoh jamu nieści jahonuju spartyŭnuju sumku.Na vychadzie z «Kupałaŭskaj» niejkaja žančyna skazała Viačasłavu, što ŭ taho mocna ciače kroŭ z hałavy. Jamu dali rušnik. Na vychadzie ź mietro nasuprać Kupałaŭskaha teatru jaho sustreŭ siabar, jakoha jon čakaŭ na płatformie. Razam dajšli da 3-j balnicy, dzie Viačasłava zarehistravali. Pa dapamohu jon źviarnuŭsia pa miescy žycharstva, u svajoj paliklinicy. Ciapier adčuvaje siabie narmalna, ale paviazku jamu pakul zdymać nie rekamiendavali.
Viačasłaŭ Charanieka nie pamiataje taho, ci tych, chto byŭ ź im na toj placoŭcy ŭ časie zdareńnia.
«Kali b ja byŭ prazorliŭcam, moh paviarnuć čas nazad, to zabiŭ by taho, chto heta zrabiŭ! Tam ža byli dzieci, žančyny, niekatoryja ciažarnyja. Ja sam baćka, dzied».Spartsmien kaža, što hatovy pahutaryć sa śledčymi i spadziajecca, što kali pabačyć fota- ci videamateryjały, to mahčyma niešta pryhadaje z taho, čamu nie nadaŭ ŭ toj momant uvahi.
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary