Pra heta ministr unutranych spraŭ Anatol Kulašoŭ zajaviŭ padčas kanfierencyi na sajcie Biełteleradyjokampanii, adkazvajučy na pytańnie «Čamu ŭ respublicy, niahledziačy na toje, što terarysty złoŭlenyja, praciahvajucca aryšty i zatrymańni».
— Ja nie viedaju. što pra havorka, — skazaŭ ministr. Nijakich aryštaŭ, nijakich zatrymańniaŭ niama. Tyja, kaho zatrymali, sapraŭdy znachodziacca ŭ śledčym izalatary. Ni bolš, ni mienš.
Taksama A. Kulašoŭ zaznačyŭ, što mahčyma milicyja mietrapalitena paniasie adkaznaść, za toje, što nie pryniała mieraŭ pa praduchileńni teraktu ŭ mietro.
«My ŭ MUS praviali ŭžo try słužbovyja pravierki, i ŭsie materyjały nakiravanyja kiraŭniku śledčaj hrupy, jakaja zajmajecca rasśledavańniem hetaj spravy — staršamu daradcy justycyi Šviedu Ivanu Andrejeviču. Tam budzie dadziena pravavaja acenka».
Ministr Kulašoŭ zaznačyŭ, što infarmacyju pra vybuchoŭku možna znajści na mnohich sajtach.
«Usie sajty nie zabłakuješ. Hetaja infarmacyja na šmatlikich sajtach znachodzicca. Adzin sajt možaš zabłakavać, druhi — tut ža razbłakuje. Tamu z techničnaha punktu hledžańnia heta vielmi niaprosta usio zrabić».
Kamientary