Biełaruski bok ździŭleny niepaśladoŭnaściu AAT «Hazpram» u pierahavornym pracesie adnosna cany na haz. Ab hetym zajaviŭ pieršy namieśnik ministra enierhietyki Biełarusi Eduard Taŭpianiec 27 śniežnia na pres‑kanfierencyi ŭ Minsku.
Adkazvajučy na pytańni žurnalistaŭ, jon adznačyŭ: nielha skazać, što abodva baki ŭ pierahavorach spynilisia na pazicyi «ni kroku nazad». Pierahavorny praces pradaŭžajecca. «U pryncypie, 25 śniežnia była amal ŭzhodniena pazicyja pa pavyšeńniu cany hazu dla Biełarusi blizkaja da toj, na jakuju možna było b zhadzicca, i taki dakumient byŭ składzieny», ‑ skazaŭ Eduard Taŭpianiec.
Pavodle jaho słoŭ, namieśnik staršyni praŭleńnia AAT «Hazpram» Valeryj Hołubieŭ zaviziravaŭ adpaviedny hrafik. «Ja b nie havaryŭ pra toje, što niama nijakich zruchaŭ. Horš za ŭsio, što tyja damoŭlenaści, jakija ŭžo jość na finišy, potym nie ŭsprymajucca. Pazicyja «Hazprama» ŭ hetym płanie nas ździŭlaje», ‑ adznačyŭ Eduard Taŭpianiec. Jak adznačałasia na pres‑kanfierencyi, biełaruskamu boku była prapanavana cana na haz u 2007 hodzie na ŭzroŭni $105‑110 za 1 tys.kub.m i pierachod da roŭnadachodnych cen užo praz 2 hady, što nieprymalna dla biełaruskaj ekanomiki
Ciapier čytajuć
Uvodziać adkaznaść za prapahandu homaseksualnaści, biaździetnaści, a taksama za niezakonnaje pradstaŭleńnie Biełarusi na mižnarodnaj arenie28
Kamientary