Piensijanierka KDB: «Zaraz kožnuju sieradu budu chadzić na akcyi»
U Redakcyju «NN» źviarnułasia minčanka Luboŭ Siedarejka, byłaja supracoŭnica KDB. U jaje ŭ časie adnoj z akcyj schapili syna, ździekavalisia ź jaho ŭ turmie.
U Redakcyju «NN» źviarnułasia minčanka Luboŭ Siedarejka. U jaje ŭ časie adnoj z akcyj schapili syna, ździekavalisia ź jaho ŭ turmie.
Sama jana pracavała ŭ KDB, ciapier na piensii. Jana aburanaja tym biezzakońniem, jakoje tvorycca ŭ krainie. Tak, 6 lipienia kala Ladovaha pałaca ŭ Minsku byŭ zatrymany jaje syn Barys. Pa słovach žančyny, małady čałaviek čakaŭ tam jaje. Zabrali jaho ŭ 20.40 na vačach u spn. Lubovi — šaściora «brytahałovych» schapili i pavałakli ŭ aŭtobus. Žančyna adznačaje, što nijakaj akcyi ŭžo i nie było. Jana sprabavała patrapić u aŭtobus, ale jaje hruba šturchali. Jana skardzicca, što paśla ruki byli ŭ siniakach.
Spn. Luboŭ zaŭvažaje, jak pa racyjach pieramaŭlalisia ludzi ŭ cyvilnym. Maŭlaŭ, adzin pytajecca ŭ druhoha:
«Kolki ŭ ciabie ŭ aŭtobusie nie chapaje?» — «Siamnaccać».«Voś i chapali kaho zaŭhodna», — kaža žančyna.
Žančyna paskardziłasia, što praciahły čas nie mahła adšukać syna. U RUUSach kazali, što Barys znachodzicca na Akreścinie, a tam skiroŭvali ŭ milicyju. Vyjaviłasia, što syn byŭ adrazu ŭ Frunzienskim RUUSie Minska. Tolki paśla jaho adpravili ŭ izalatar na Akreścina. A zatym — u Žodzina. Syn hety pierajezd nazvaŭ samym žachlivym, što było za tyja dziesiać sutak aryštu, da jakoha prysudziła sudździa Žukoŭskaja. Małady čałaviek raskazavaŭ, što ŭ Žodzinie
ich prymusili biehčy pa «kalidory» ź ludziej u maskach z sabakami.
Takim čynam maładych ludziej sprabavali napałochać.
Jak daviedałasia spn. Luboŭ, nie ŭsie pieradačy navat z dazvolenych praduktaŭ dachodzili da syna. A za tymi, što addavali, tre było vystajać čarhu z 8.00 da 13.00. Jak było skazana žančynie,
u pieršuju čarhu addavali pieradačy kryminalnikam.
Kali vypuskali, ich vyvieźli da ptuškafabryki «Čyrvony Ściah», kab tolki aryštavanych nie sustreli siabry i rodnyja, jakija čakali ŭ inšym miescy.
«Ja była dalokaja ad palityki. A ciapier kožnuju sieradu budu chadzić na akcyi. I budu pieršaj. Lepš ja budu chadzić suprać takoha… Duša balić».
Pa słovach spn. Lubovi, Barys narmalna pieranios aryšt. U kamiery ludzi padtrymlivali adzin adnaho. Jana kaža, što navat zadumvajecca pra toje, kab «syn vyjechaŭ adsujul u lubuju krainu, dzie ź ludziej nie ździekujucca».
Ciapier čytajuć
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj7
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary