U Kiraŭskim rajonie adčyniŭsia pieršy ŭ Biełarusi letni dom adpačynku pry carkvie dla dziaciej-sirot
Letni dom adpačynku dla vychavancaŭ dziciačych damoŭ pačaŭ pracavać u vioscy Čyhirynka Kiraŭskaha rajona Mahiloŭskaj vobłaści na bazie prychoda Rastva Praśviatoj Baharodzicy.
«My daŭno supracoŭničajem z Babrujskim dziciačym domam i biarom na azdaraŭleńnie dziaciej pieryjadyčna, — paviedamiŭ BiełaPAN nastajaciel
Pieršaja źmiena dla 10 vychavancaŭ Babrujskaha dzietdoma pačałasia 18 lipienia i zakončycca 14 žniŭnia. Zatym ich źmieniać dzieci ź dziciačaha doma ŭ vioscy Laŭkovičy Kiraŭskaha rajona. Adbor vychavancaŭ u letni dom adpačynku pry carkvie pravodzić administracyja dziciačych vychavaŭčych ustanoŭ. Padčas adpačynku dla dziaciej arhanizujuć spartyŭnyja mierapryjemstvy, ekskursii, pałomnickija pajezdki pa chramach Kiraŭskaha rajona, u Barkałabaŭski manastyr, naviedvańnie miesca masavaha rasstrełu mirnych žycharoŭ u vioscy Borki ŭ 1942 hodzie.
«My płanujem praciahvać hetu pracu i vieści pieramovy, kab za zimu ŭziać učastak bolšy — nie tolki na terytoryi prychoda. Chočam stvaryć tam sapraŭdny łahier — ź letnimi domikami, infrastrukturaj. I ŭziać dziaciej bolš — na pieršy čas čałaviek 30–40», — paviedamiŭ ajciec Dzimitryj. Jon skazaŭ słovy ŭdziačnaści rasijskamu miecenatu Viačasłavu Zarankovu, kiraŭniku savieta dyrektaraŭ chołdynhu
Pobač z časovym chramam Rastva Praśviatoj Baharodzicy, u jakim 23 lipienia prajšła pieršaja słužba, taksama dziakujučy miecenatam adnaŭlajecca pastajanny — pabudavany ŭ ChVI stahodździ i razburany ŭ 1942 hodzie atradam estonskich karnikaŭ. «Płanujem na prastolnaje śviata 21 vieraśnia 2012 adsłužyć Boskuju liturhiju ŭ adnoŭlenym chramie», — paviedamiŭ ajciec Dzimitryj.
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie37
Kamientary