Pavodle nieaficyjnaj infarmacyi, u adździełach kultury pryznačajuć «adkaznych za mierapryjemstvy pa sieradach».
Pavodle nieaficyjnaj infarmacyi, u adździełach kultury pryznačajuć «adkaznych za mierapryjemstvy pa sieradach»
U redakcyju «NN» patelefanavaŭ čytač, jaki pracuje ŭ adnoj ź minskich ustanovaŭ kultury. Pa jaho infarmacyi, kiraŭnictva ŭstanovy tydzień tamu atrymała zahad ad adździeła kultury rajvykankama «pryznačyć adkaznaha pa mierapryjemstvach pa sieradach». Na hetym tydni ad vykankama jak byccam pryjšło novaje ŭkazańnie: skłaści śpis tych, chto budzie ŭdzielničać u kulturnych mierapryjemstvach.
Jak miarkuje naš čytač, majucca na ŭvazie mierapryjemstvy kštałtu niečakanaha kancerta na Kastryčnickaj płoščy, jaki adbyŭsia 29 červienia padčas «akcyi maŭklivaha supracivu». Što cikava, maŭklivyja pratesty pieranosiacca na vosień, a alternatyŭnyja mierapryjemstvy pa sieradach užo pačalisia — na minułym tydni byŭ arhanizavany kancert samadziejnaści, na jaki «zaprasili» supracoŭnikaŭ kulturnych ustanoŭ.
«Heta ŭžo amal kłasika, — tłumačyć naš čytač. — Pierad luboj bujnoj apazicyjnaj akcyjaj u našaha kiraŭnictva abaviazkova znachodzicca niejkaje mierapryjemstva, na jakoje treba abaviazkova adpravić ludziej. Na papiery takija rečy zvyčajna nie afarmlajucca, tamu dakazać najaŭnaść samoha fakta stanovicca niemahčyma».
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom23
Kamientary