Biełaruś zaniała 145‑je miesca ŭ rejtynhu ekanamična svabodnych krainaŭ
U spravazdačy adznačajecca: u Biełarusi amal niama finansavych i investycyjnych svabod, nizki ŭzrovień pravoŭ na ŭłasnaść, vysokaja stupień karumpavanaści čynoŭnikaŭ.
Amerykanski daśledčy fond Heritage Foundation sumiesna z The Wall Street Journal reprezentavaŭ siońnia tradycyjny rejtynh ekanamičnych svabod. Analityki Fondu aceńvajuć krainy pa 10‑ci katehoryjach – ad karupcyi i finansavych svabod da niezaležnaści biznesu ad uradu.
Biełaruś u hetym rejtynhu zaniała 145‑ie miesca. Prykładam, kab adkryć ułasny biznes u krainie, patrebna 68 dzion. U spravazdačy adznačajecca: u Biełarusi amal niama finansavych i investycyjnych svabod, nizki ŭzrovień pravoŭ na ŭłasnaść, vysokaja stupień karumpavanaści čynoŭnikaŭ.
Pieršaje miesca ŭ ahulnym rejtynhu zaniaŭ Hankonh z pakazčykam 89,3 bała sa sta mahčymych. Na druhim miescy – Synhapur, na trecim – Aŭstralija. Rasieja zajmaje 120‑y radok (pamiž Kitajem i Nepałam u katehoryi «u asnoŭnym niesvabodnyja»).
Siarod byłych savieckich respublik lepš za ŭsich vyhladaje Estonija – 12‑ie miesca, Litva – 22‑ie miesca, Armenija – 32‑ie. Jašče nižej za Biełaruś akazaŭsia Turkmenistan – jon na 152‑m miescy.
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć32
Kamientary