Sudovaje raźbiralnictva pa spravie ekśpierta, jaki nie pravioŭ daktyłaskapiju adnaho z abvinavačvanych u vybuchu ŭ minskim mietro, pačniecca 26 vieraśnia ŭ Viciebskim abłasnym sudzie,paviedamiŭ karespandentu BiełTA staršynia Viciebskaha abłasnoha sudu Mikałaj Chamičonak.
Śledčym adździełam prakuratury Viciebskaj vobłaści było praviedzienaje rasśledavańnie kryminalnaj spravy pa abvinavačańni adnaho z supracoŭnikaŭ orhanaŭ unutranych spravaŭ UUS Viciebskaha abłvykankama va ŭčynieńni złačynstva, praduhledžanaha art. 428 KK RB «Słužbovaja chałatnaść». Hetaja sprava niepasredna źviazanaja z spravaj, što była raspačataja Hienieralnaj prakuraturaj pa art. 289 «Teraryzm» KK Biełarusi.
Padčas papiaredniaha rasśledavańnia było vyśvietlena, što 20 studzienia 2009 hoda ŭ haradskim vajskovym kamisaryjacie ekśpiert UUS Viciebskaha abłvykankama nie raspačaŭ zachadaŭ pa praviadzieńni daktyłaskapii pryzyŭnika, jaki padlahaŭ abaviazkovamu dziaržaŭnamu daktyłaskapičnamu ŭliku jak vajennaabaviazany. Pavieryŭšy na słova maładomu čałavieku, ekśpiert dałučyŭ da asabistaj spravy pryzyŭnika daviedku pra toje, što toj raniej prajšoŭ daktyłaskapiju i nieabchodnaści ŭ jaje paŭtornym praviadzieńni niama. Pry hetym supracoŭnik pravaachoŭnych orhanaŭ nie pierakanaŭsia ŭ praŭdzivaści zajavy pryzyŭnika. Tym samym ekśpiert vyzvaliŭ jaho ad daktyłaskapičnaha ŭliku, infarmacyja pra jaho nie była źmieščanaja ŭ bank daktyłaskapičnych dadzienych, małady čałaviek nie byŭ pravierany na dačynieńnie da vybuchu ŭ Minsku 4 lipienia 2008, što dazvoliła jamu ździejśnić złačynstva na stancyi mietro ŭ Minsku.
Ciapier u Minsku prachodzić sudovy praces pa spravie ab terakcie, jaki adbyŭsia 11 krasavika ŭ staličnym mietro.Na łavie padsudnych znachodziacca dva ŭradženca Viciebska Dźmitryj Kanavałaŭ i Uładzisłaŭ Kavaloŭ, abodva 1986 hoda naradžeńnia.
Kanavałavu inkryminujecca bolš za 30 epizodaŭ pa č.1 art. 289, č.2 art. 289, č. Z art. 289, č.2 art. 295, č. Z art. 295, č.2 art. 339, č. Z art. 339, č. 2 art. 218, č.1 art. 14 i č. Z art. 339, č.1 art. 14 i č.2 art. 218 KK RB: učynieńnie teraryzmu, što ŭ tym liku pryviało da čałaviečych achviar, pryčynieńnie cialesnych paškodžańniaŭ roznaj stupieni ciažkaści, inšyja ciažkija nastupstvy, niezakonnyja dziejańni z vybuchovymi rečyvami i pryładami, złosnaje i asabliva złosnaje chulihanstva, naŭmysnaje źniščeńnie i paškodžańnie majomaści ahulnaniebiaśpiečnym sposabam.
Kavalovu inkryminujecca ŭdzieł u 15 epizodach pa č.6 art. 16 i č. Z art. 289, č. Z art. 295, č. Z art. 339, č.2 art. 339, č.2 art. 218, č.2 art. 405, č.2 art. 406, č.1 art. 406 KK RB: saŭdzieł u formie dapamohi ŭ ździajśnieńni teraryzmu, złosnaje i asabliva złosnaje chulihanstva, naŭmysnaje źniščeńnie majomaści ahulnaniebiaśpiečnym sposabam, niezakonnyja dziejańni z vybuchovymi rečyvami. Jon abvinavačvajecca i va ŭkryvalnictvie asoby, jakaja ŭčyniła asabliva ciažkaje złačynstva, a taksama ŭ niedaniasieńni pra ździejśnienyja i rychtavanyja asabliva ciažkija złačynstvy.
Maksimalnaje pakarańnie, praduhledžanaje samym ciažkim z vystaŭlenych Kanavałavu i Kavalovu art. 289 «Teraryzm», — śmiarotnaje pakarańnie.
Samy hučny epizod spravy — vybuch 11 krasavika na stancyi mietro «Kastryčnickaja», jaki zabraŭ žyćci 15 čałaviek, 11 ź jakich zahinuli na miescy. Taksama sotniam ludziej byli naniesienyja roznyja ranieńni i maralnyja pakuty. Praz terakt na niekalki dzion była parušanaja praca mietrapalitena. Materyjalnaja škoda, naniesienaja mietro, skłała bolš jak Br2 młrd, a paciarpiełym — nie mienš za Br175 młn.
Kamientary