1–2 kastryčnika projduć Jeŭrapiejskija vosieńskija dni nazirańniaŭ za ptuškami

paviedamiŭ śpiecyjalist pa ekałahičnaj adukacyi hramadskaj arhanizacyi «Achova ptušak Baćkaŭščyny» Rusłan Šajkin.

Pavodle jaho słoŭ, akcyja pravodzicca amal u 40 krainach Jeŭropy i Centralnaj Azii z metaj źviarnuć uvahu ludziej na pryrodu, prablemy ptušak. Dla ŭdziełu ŭ akcyi ŭsim achvotnym prapanujecca vyjści na pryrodu, paličyć vidy ptušak i ich kolkaść. Hetyja źviestki, a taksama kolkaść naziralnikaŭ za ptuškami nieabchodna paviedamić u sakrataryjat APB pa telefonie ŭ Minsku (017) 2630613, pa mabilnych telefonach (029) 2230613 (MTS), (029) 1016887 (Velcom) abo pa e-mail: [email protected]. Apošni termin padačy źviestak — 16.00 2 kastryčnika.

Siarod tych, chto patelefanuje, APB razyhraje palavy binokl i inšyja pryzy.

Šajkin adznačyŭ, što ŭ vypadku ciažkaści z vyznačeńniem vidaŭ možna ŭkazać kolkaść ptušak i prakansultavacca ŭ sakrataryjacie APB adnosna ich vidu abo adznačyć, što jaho nie ŭdałosia ŭstanavić.

Tradycyjna ŭ chodzie Jeŭrapiejskich vosieńskich dzion nazirańniaŭ za ptuškami ŭsie achvotnyja zmohuć panazirać za ptuškami sa śpiecyjalistami i vałanciorami APB na śpiecyjalna arhanizavanych placoŭkach. 1 kastryčnika placoŭki buduć arhanizavany ŭ Miadzieli na nabiarežnaj voziera Miastra z 10.00 da 14.00; u Viciebsku ŭ bataničnym sadzie ŭ rajonie raki Vićba z 10.00 da 13.00; u Ivanavie kala himnazii z 9.00 da 16.00; u Słucku na vulicy Nabiarežnaj u rajonie himnazii № 1 z 9.00 da 14.00 i kala ekałahičnaha centra z 10.00 da 14.00; u Šumilinie na voziery z 9.00 da 12.00; u Hrodnie ŭ parku Žylibiera z 14.00 da 16.00; u Navahrudku kala voziera Śviciaź z 10.00 da 12.00; u Sianno kala ahraharadka «Niamojta» z 8.00 da 11.00 i haradskoha pasiołka Bahušeŭsk z 8.00 da 11.00; u Barysavie na piešachodnym moście cieraz raku Biarezinu z 10.00 da 13.00 i Kobrynie ŭ haradskim parku imia Suvorava z 10.00 da 14.00.

U stalicy placoŭki buduć pracavać 2 kastryčnika ŭ Centralnym bataničnym sadzie i Minskim zaaparku z 10.00 da 14.00.

Letaś u vosieńskich dniach nazirańniaŭ za ptuškami ŭdzielničała 28 jeŭrapiejskich krain. Usiaho ŭ Jeŭropie ŭdzieł va ŭliku ptušak uziali bolš čym 58 tys. amataraŭ pryrody, jany prysłali źviestki ab 2 młn. 731 tys. naziranych imi ptušak.

Letaś Biełaruś zaniała treciaje miesca pa vynikach ulikaŭ — u mierapryjemstvie ŭziali ŭdzieł 3.802 čałavieki. Pieršaj była Ispanija z 31 tys. udzielnikaŭ, druhoj — Šviejcaryja bolš čym z 6 tys. Najbolš masavymi vidami ŭ Biełarusi pa vynikach uliku byli: šeraja varona — 4.047 asobinaŭ, zvyčajny špak — 3.959 i kryžanka — 3.546.

• 0
• 0
• 0
• 0
• 0
• 0
• 0
• 0