Pieršaja łedzi ZŠA Mišel Abama ŭ aŭtorak razam z 400 školnikami skakała ŭ Ružovym sadzie Biełaha doma, udzielničajučy takim čynam va ŭstalavańni novaha suśvietnaha rekordu pa kolkaści ludziej, što skačuć adnačasova.
«Ja pieršaja łedzi, tak što mnie davodzicca rabić niamała cikavaha, ale heta nievierahodna. Nikoli ŭ svaim žyćci ja nie dumała, što budu sprabavać pabić rekord knihi rekordaŭ Hinesa. Inicyjatyva Let's Move! (inicyjatyva pa baraćbie ź dziciačym atłuścieńniem) — jana jakraz stvoranaja dla taho, kab dzieci jeli zdarovuju ježu, ruchalisia, viali aktyŭny ład žyćcia i dziakujučy hetamu byli hatovyja da žyćcia i ŭsich ciažkaściaŭ, jakija im daviadziecca pieražyvać», — skazała Abama pierad pačatkam ekśpierymientu.
Inicyjataram sproby pastavić novy suśvietny rekord vystupiŭ časopis National Geographic Kids. Ciaham 24 hadzin uziać udzieł u akcyi musili bolš za 20 tys. 425 čałaviek.
Prahrama Let's Move! skiravanaja na źmianieńnie tradycyjnaj pracy amierykanskich škoł, zvyčak dziaciej i pryciahnieńnie ŭvahi hramadstva da prablemy dziciačaha atłuścieńnia i lišniaj vahi, na jakuju pakutuje kala traciny školnikaŭ u ZŠA.
Da realizacyi prahramy pryciahnutyja ŭradavyja arhanizacyi, navukoŭcy, miedyki, biznesoŭcy, adukacyjnyja ŭstanovy, spartoŭcy i hramadskija arhanizacyi.
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu10
Kamientary