Minhandal rekamienduje akruhlać roźničnyja ceny ŭ arhanizacyjach handlu i hramadskaha charčavańnia
Minhandal padrychtavaŭ rekamiendacyi ab paradku akruhleńnia roźničnych cen u handlovych arhanizacyjach i ŭ hramadskim charčavańni, paviedamiła
Roźničnuju canu (taryf) prapanoŭvajecca akruhlać za pryniatuju adzinku vymiareńnia (štuku, dziasiatak, mietr, kiłahram, litr i da t.p.).
Značeńni da 25 rubloŭ adkidvajucca, ad 25 rubloŭ uklučna da 75 rubloŭ akruhlajucca da 50 rubloŭ, ad 75 rubloŭ uklučna i vyšej akruhlajucca da 100 rubloŭ.
Pry vyznačeńni roźničnych cen na kamplekt (harnitur, nabor), jaki kamplektujecca ŭ arhanizacyjach handlu z realizujemych tavaraŭ, akruhlajecca cana kožnaha vyrabu, što ŭvachodzić u jaho skład, asobna. Paśla padsumoŭvańnia roźničnych cen, z ulikam akruhleńnia cany kožnaha vyrabu, cana kamplekta nie akruhlajecca. Pry vyznačeńni cany na kamplekt u cełym (pry adsutnaści cen na asobnyja vyraby, što ŭvachodziać u kamplekt) akruhlajecca cana kamplekta.
U handlovych abjektach hramadskaha charčavańnia akruhlajecca pradažnaja cana stravy, vyrabu, porcyi.
Pry realizacyi vahavaha i miernaha tavaru akruhlajecca košt kožnaj pakupki (advahi).
Pry vyznačeńni roźničnych cen na vahavyja vyraby z kaštoŭnych mietałaŭ, adpusknyja ceny na jakija ŭstanoŭleny za hram vyrabu, spačatku akruhlajecca roźničnaja cana 1 hrama vyrabu da cełaj kolkaści rubloŭ, zatym roźničnaja cana vyrabu ŭ cełym.
Ceny na tavary, što realizujucca pa adpusknych cenach z dabaŭleńniem miežavych handlovych nadbavak, akruhlajucca paśla naličeńnia hetych nadbavak i padatku na dadadzieny košt.
Pry hetym, dla niedapuščeńnia parušeńniaŭ dziejnaha zakanadaŭstva pa cenaŭtvareńni subjekty pradprymalnickaj dziejnaści, jakija ažyćciaŭlajuć roźničny handal, pavinny vykonvać miežavy pamier handlovych nadbavak pa tavarach, u adnosinach da jakich ažyćciaŭlajecca cenavaje rehulavańnie, zaznačyli ŭ viedamstvie.
Kamientary