U Drahičynskim rajonie ŭ vyniku sutyknieńnia lehkavoha aŭtamabila z traktaram paciarpieli čatyry čałavieki, u ich liku dvoje dziaciej.
Jak paviedamiła inśpiektar adździaleńnia pa ahitacyi i prapahandzie DAI UUS Bresckaha abłvykankama Natalla Karabko, avaryja adbyłasia 31 kastryčnika pryblizna, a 19-j hadzinie na 506-m km aŭtadarohi Kobryn — Homiel — miaža Rasijskaj Fiederacyi niepadalok ad vioski Viry. Aŭtamabil «VAZ», za rulom jakoha znachodziŭsia 34-hadovy žychar Kobrynskaha rajona, sutyknuŭsia z zadniaj častkaj pryčepa traktara «MTZ-80», što ruchaŭsia napieradzie. U vyniku DTZ traŭmy atrymali ŭsie čatyry pasažyry «VAZa» — žychary Kobrynskaha rajona.
U chirurhičnaje adździaleńnie Bresckaj abłasnoj dziciačaj kliničnaj balnicy špitalizavany chłopčyk dzieviaci hadoŭ z zakrytaj čerapna-mazhavoj traŭmaj, udaram hałaŭnoha mozhu, u komie pieršaj stupieni; u reanimacyjnaje adździaleńnie — 11-hadovy chłopčyk z zakrytaj čerapna-mazhavoj traŭmaj, udaram hałaŭnoha mozhu lohkaj stupieni, vialikaj skalpavanaj ranaj ciemiannoj skronievaj vobłaści hałavy. U Drahičynskuju centralnuju rajonnuju balnicu źmieščany 60-hadovaja žančyna, jakaja atrymała spałučanyja traŭmy, adkrytuju čerapna-mazhavuju traŭmu, udar hałaŭnoha mozhu ciažkaj stupieni, udar hrudnoj kletki, zakryty pierałom asnavańnia čerapa, a taksama 43-hadovy mužčyna. U jaho zakrytaja čerapna-mazhavaja traŭma, strasieńnie hałaŭnoha mozhu i zakrytyja pierałomy rebraŭ.
Vadziciel «VAZa» i traktaryst nie paciarpieli.
Pa fakcie DTZ pravodzicca pravierka.
Kamientary