Litoŭskaha palityka, kiraŭnika partyi «Frontas» Alhierdasa Paleckisa prakuror Vilenskaha suda prapanuje prysudzić da adnaho hoda pazbaŭleńnia voli ŭmoŭna za admaŭleńnie savieckaj ahresii.
Heta budzie pieršy prysud takoha kštałtu ŭ Litvie. Admaŭleńnie ahresii Savieckaha Sajuza pa zakonach Litvy karajecca kryminalnaj adkaznaściu. Vykanańnie prysudu prakuror prapanuje adkłaści na dva hady: na praciahu ŭsiaho hetaha času Paleckis nie budzie mieć prava pakidać miesca žycharstva bolš čym na siem sutak biez dazvołu.
Paleckis nie pryznaje viny. U telepieradačy, pryśviečanaj padziejam u Vilni 13 studzienia 1991 hoda,
jon skazaŭ, što «tady svaje stralali ŭ svaich».Hetyja jaho słovy byli vytłumačany jak naniasieńnie abrazy pamiaci ludziej, jakija zahinuli ŭ televiežy padčas jaje šturmu savieckimi vajskoŭcami.
Paleckis śćviardžaje, što ŭ telepieradačy jamu nie dali damović frazu, u jakoj jon spasyłajecca na knihi i publikacyi pra toje, što chtości stralaŭ i źvierchu, z televiežy.
«Jana nie ŭ turmie, a na śpiecdačy KDB!» Kanśpirołahi nakinulisia na Kaleśnikavu24
Kamientary