Siaredni ŭzrost biełaruskich mužčyn składaje 37 hadoŭ

Jak adznačyli ŭ Nacyjanalnym statystyčnym kamitecie, pa stanie na 1 studzienia 2011 hoda kolkaść mužčyn Biełarusi skłała 4 młn. 408,2 tys. čałaviek, ci 46,5% ad ahulnaj kolkaści nasielnictva. Try čverci mužčyn — haradžanie.

Siaredni ŭzrost biełaruskich mužčyn na pačatak hetaha hoda skłaŭ 37 hadoŭ, pry hetym u mužčyn, jakija žyvuć u haradach i haradskich pasialeńniach, siarodni ŭzrost mienšy, čym u mužčyn, jakija žyvuć u sielskaj miascovaści (adpaviedna 36 i 40 hadoŭ). Siaredni ŭzrost mužčyn mienšy za siaredni ŭzrost žančyn na 5,2 hoda. Jak patłumačyli ŭ Biełstacie, zachoŭvajecca značnaja roźnica ŭ praciahłaści žyćcia mužčyn i žančyn, jakaja skłała ŭ 2010 hodzie amal 12 hadoŭ (64,6 i 76,5 hoda). Pavodle acenki PRAAN, "naturalnaj" roźnicaj pryniata ličyć 5 hadoŭ. Padobny razryŭ abumoŭleny dačasnaj śmiarotnaściu mužčyn.

Na 1.000 mužčyn u krainie prypadaje 1.151 žančyna.

Pavodle źviestak pierapisu nasielnictva 2009 hoda, amal kožny šosty mužčyna maje vyšejšuju adukacyju (17,6% ad ahulnaj kolkaści mužčyn va ŭzroście 15 hadoŭ i starej). Za dziesiacihodździe, što prajšło paśla pierapisu nasielnictva 1999 hoda, kolkaść mužčyn, jakija majuć vyšejšuju adukacyju, pavialičyłasia na 3,5%. Adnak

žančyn, jakija majuć vyšejšuju adukacyju, bolš, čym mužčyn.

Mužčyny pieravažajuć u takich śfierach, jak pramysłovaść; sielskaja haspadarka, palavańnie i lasnaja haspadarka; handal aŭtamabilami i matacykłami, ich techničnaje absłuhoŭvańnie i ramont; transpart; rybałoŭstva, rybavodstva; budaŭnictva (ad 55,7 da 82,2% ad ahulnaj kolkaści rabotnikaŭ arhanizacyj adpaviednaha vidu ekanamičnaj dziejnaści).

U ahulnaj kolkaści rabočych pieravažajuć mužčyny (56,5%), a ŭ ahulnaj kolkaści słužačych — žančyny (67,9%). Adnak

siarod słužačych bolšaść kiraŭnikoŭ mužčyny (53,2%).

Siarod mužčyn, zaniatych u ekanomicy krainy, najbolšuju ŭdzielnuju vahu zajmajuć 30—49-hadovyja (45,6%). Pa vynikach minułaha hoda siaredni ŭzrost pracujučaha mužčyny skłaŭ 40,5 hoda.

Na pačatak hetaha hoda 21,5% pracujučych mužčyn mieli vyšejšuju adukacyju, 17,3% — siaredniuju śpiecyjalnuju, 24,8% — prafiesijna-techničnuju, 32,6% — ahulnuju siaredniuju, 3,8% — ahulnuju bazavuju adukacyju.

U Biełstacie adznačyli, što tradycyjna na praciahu šerahu hadoŭ siaredniaja zarpłata mužčyn u Biełarusi pieravyšaje zarpłatu žančyn. Tak, u śniežni 2010 hoda

naminalnaja naličanaja siaredniaja zarpłata mužčyn pieravysiła zarpłatu žančyn na 13,1%.

• 0
• 0
• 0
• 0
• 0
• 0