Miniust Litvy nazvaŭ niepraŭdzivymi źviestki pa rachunku pravaabaronca. Prakuror prosić pierapynak dla vystaŭleńnia novaha abvinavačańnia.
09.56
Siońnia čakajecca, što ŭ sudzie buduć pradstaŭleny pratakoły mytnaha nadhladu Alesia Bialackaha. Dakumienty zapatrabavanyja advakatam.
10.01
Prakuror začytvaje list načalnika padatkovaj inśpiekcyi Pieršamajskaha rajona Minska i dakumienty pravierak. Zhodna padadzienaj infarmacyi, u Bialackaha ŭ 2008 hodzie zapatrabavali dekłaracyju za 2007 hod. Pravaabaronca padaŭ dekłaracyju, u jakoj ukazaŭ, što nijakaha prybytku nie mieŭ. Inśpiekcyja praviała pravierku, ale nijakich parušeńniaŭ nie vyjaŭlena. Ale ŭ peŭnyja hady ŭ Bialackaha vyjavili, što vydatki pieravšajuć prybytki. U pravaabaronca zapatrabavali tłumačeńniaŭ. Bialacki skazaŭ, što nie moža patłumačyć, spasłaŭšysia na adsutnaść u jaho dakumientaŭ. Ale pahadziŭsia zapłacić padatak. I zapłaciŭ u vyniku 281290 rubloŭ.
10.18
Advakat Bialackaha źviarnuŭ uvahu na toje, što kali jon znajomiŭsia z hetymi dakumientami, na ich tady nie było podpisaŭ adkaznych asobaŭ.
Taksama jon adznačyŭ, što ŭ materyjałach majucca dakumienta ab prybytkach da 2000 hoda, a ŭ kryminalnaj spravie razhladajecca pieryjad sa studzienia 2007 hoda.
10.21
Prakuror začytvaje mytnyja dekłaracyi Bialackaha i akty mytnaha nadhladu jaho na miažy.
Advakat źviarnuŭ uvahu, što sumy hrošaj, jakija byli ŭ Bialackaha pry nadhladach, niaznačnyja. U adnym ŭ vypadkaŭ — 130 jeŭra.
10.29
Pastupiŭ pierakład dakumientaŭ, na čym nastojvała abarona. Advakat ahučvaje ich. Pierakładzienyja nazvy zamiežnych arhanizacyj, jakija pieraličvali na rachunki Bialackaha hrošy. A taksama na mety, dla jakich jany pastupili.
Adnoj z metaŭ było adkryćcio hramadskaj pryjomnaj. Ale advakat źviartaje ŭvahu na niedakładny pierakład. Tak, anhlijskaje słova rooms na russkuju pierakładziena ŭ adzinočnym liku.
Začytvajecca damova na hrant «Praca hramadskich pryjomnych». Dla pieraličvańnia srodkaŭ ukazany rachunak Bialackaha.
10.45
Prakuror zadaje pytańni Bialackamu. Apošni skazaŭ, što mytnych dekłaracyj i aktaŭ nadhladu na miažy było značna bolš, čym u spravie. Z 2008 hoda jon kožny raz, jak vyjazdžaŭ i ŭjazdžaŭ u krainu, zapaŭniaŭ takija dakumienty.
«Vypuścicie mianie pad padpisaku, ja vam pryniasu zaŭtra», — skazaŭ Bialacki.
Maŭlaŭ, doma jość usie akty, ale žonka nie moža znajści sama.
Bialacki kaža, što ŭ pierakładach bankaŭskich dakumientaŭ nie bačyć nazvy adnoj z hałandskich arhanizacyj i nie pierakładzienaja misija ŭ Kazachstanie.
10.54
Prakuror pytajecca, ci nie choča Bialacki paprasić pravieści ekśpiertyzu počyrka na dakumientach. Aleś kaža, što jany byli niezakonna atrymanyja, tamu nie bačyć sensu pravodzić ekśpiertyzu.
11.11
Prakuror prosić dałučyć da materyjałaŭ spravy razdrukoŭki z sajta PC «Viasna» ab dziejnaści arhanizacyi. Sudździa dałučyŭ.
11.15
U vyhlaladzie čaho vy atrymali premiju Sacharava za 2006 hod, — zapytaŭsia prakuror. — «U vyhladzie hramat».
11.46
Advakat začytaŭ kopiju lista Miniusta Litvy Miniustu Biełarusi ad
ŭ pradstaŭlenaj infarmacyi pa rachunkach Bialackaha i Stefanoviča była ŭkazana niepraŭdzivaja infarmacyja.
Sudździa dałučyŭ kopiju lista da spravy.
12.10
Sudździa zadavoliŭ šerah chadajnictvaŭ advakata ab dałučeńni da materyjałaŭ spravy dakumientaŭ ad mižnarodnych arhanizacyj. U hetych dakumientach havorycca pra toje, što Bialacki sapraŭdy atrymlivaŭ hranty, jakija išli vyklučna pra pravaabarončuju dziejnaść. I Bialackim byli pradstaŭleny spravazdačy.
12.38
Prakuror paprasiŭ pierapnak da 16 listapada dla pradstaŭleńnia Bialackamu novaha abvinavačvańnia, jakoje budzie adroźnivacca ad pradjaŭlenaha. Sudździa padtrymaŭ chadajnictva.
* * *
Na dumku pravaabaronca Valancina Stefanoviča, kalehi Alesia Bialackaha,
havorka, najchutčej, idzie pra karekciroŭku farmuloŭki abvinavačańnia. Adnak, nie vyklučaje Stefanovič, prakuror moža i zusim źmianić artykuł: «Naprykład, na sumnaviadomy artykuł KK 193–1— udzieł u niezarehistravanaj arhanizacyi». Razdrukoŭki rachunkaŭ, sapraŭdnaść jakich abvierh litoŭski bok, byli faktyčna hałoŭnym dokazam «viny» Bialackaha.
Kamientary