«Rabić intymny pirsinh časam prychodziać siamiejnyja pary»
Minčuki robiać nie tolki tuneli i płahi, ale i karsiety. Br-r-r...
Prakołatym bryvom ci pupkom siońnia naŭrad ci kaho ździviš. U pošukach imidžu dy novych adčuvańniaŭ maładyja i nie vielmi biełarusy robiać «tuneli» ŭ vušach, prabivajuć pieranośsie i nosiać zavušnicy ŭ… intymnych miescach.
Minski pirsier z «Sałona 3000», Uładzimir Fiedaruk, zajmajecca prakałyvańniem roznych častak cieła z 15 hadoŭ (zaraz jamu 23). U 2007 Uładzimir prasłaviŭsia tym, što za 52 chviliny zdoleŭ utyknuć u cieła svajoj siabroŭki ažno 378 miedycynskich ihołak.
«Naša Niva»: Jakija vidy pirsinhu čaściej robiać biełarusy?
Uładzimir Fiedaruk: Čaściej za ŭsio da nas źviartajucca, kab prakałoć pupok, vušy ci nos. Pupok — heta zvyčajny prakoł.
Praz paru hadoŭ, vidać, ciažka budzie znajści dziaŭčynu, jakaja nie maje tam zavušnicy.Toje ž tyčycca i nosa. Chto lubić nasić darahija juvielirnyja ŭpryhožvańni — heta dadatkovaja nahoda «načapić» zołata.
«NN»: Ci nosiać upryhožvańnie ŭ pupku padčas ciažarnaści?
UF: Pa-roznamu. Adny zdymajuć zavušnicu za paru tydniaŭ da rodaŭ, inšyja — za niekalki miesiacaŭ. Paśla ciažarnaści dzirka moža zaraści. Niekatoryja prychodziać potym pieraprakałyvać.
«NN»: Jakija jość supraćpakazańni dla pirsinhu?
UF: Heta najaŭnaść radzimak, niejkich skurnych ci alerhičnych reakcyj, ekzemy ŭ miescy prakołu. Kali čałaviek znachodzicca ŭ stanie ałkaholnaha ci narkatyčnaha apjanieńnia, navat na nastupny dzień paśla ŭžyvańnia takich rečyvaŭ nie rekamiendujecca rabić prakoł. Sasudy pašyrajucca, i budzie šmat kryvi.
Pry drennaj zhuščalnaści kryvi znoŭ-taki pirsinh niepažadany.Byŭ vypadak: pastavili zvyčajny «ćvičok». Pajšła kroŭ. Kab spynić jaje, pajšło niekalki butelečak pierakisu. Pry ekstremalnych vidach (jak intymny pirsinh) my zapytvajem, ci jość chvaroby serca.
«NN»: Daviedka ad doktara patrabujecca?
UF: Nie. Usio ž taki čałaviek, jaki vyrašyŭ prakałoć toje ci inšaje miesca na ciele, musić sam viedać pra svajo zdaroŭje.
«NN»: Što Vy adnosicie da ekstremalnych vidaŭ pirsinhu?
UF: Usio toje, što nie kłasika. To bok nie vucha, nos, pupok, bryvo ci vusny. Choć znoŭ-taki,
i ŭ vuchu možna zrabić ekstremalny prakoł.Naprykład, «tuneli». Albo prakałoć chrastok takim čynam, kab adno ŭpryhožvańnie prachodziła praź niekalki dzirak.
«NN»: Što takoje sieptum, brydž i płaskasny pirsinh?
UF:
Sieptum — heta prakoł pieranośsia.Miarkuju, što papularnym stała dziakujučy vakalistu Prodigy Kiejtu Flintu. Brydž — prakoł nosavaj pieraharodki. Płaskasnym nazyvajuć pirsinh na šyi, chvastcy, rukach. Časam robiać kala łakcia, źvierchu nad hrudziami. «Minus» takich prakołaŭ — davoli ciažka zažyvajuć. Bolš za 50% zroblenych rabot nie pryžyvajucca, navat pry najaŭnaści jakasnych upryhožvańniaŭ ź bijapłastu ci tytanu.
Košt takich upryhožvańniaŭ — $7—15.Časam ludzi škadujuć hrošaj na jakasnyja ŭpryhožvańni. Niekatoryja vidy pirsinhu, jak prakoł pamiž palcaŭ (zvyčajna pamiž vialikim i ukazalnym), ja nazyvaju «pirsinh adnaho dnia» — zrabić i pafotkacca. Heta nadzvyčaj niepraktyčna. Ruki — brudnaje miesca, pirsinh tut zažyvaje davoli doŭha.
«Karsiet» — jašče adzin prykład pirsinhu adnaho dnia dla fotasiesii.
Robicca na śpinie ŭ vyhladzie niekalkich parnych prakołaŭ kolcami, pamiž jakimi potym pieraciahvajecca stužka (jak byccam vy zašnuroŭvajecie karsiet).Rabić jaho možna, ale treba mieć čałavieka, jaki b dapamahaŭ dahladać hetu «pryhažość».
«NN»: Jak daŭno ŭ nas źjaviłasia moda na «tuneli» ŭ vuchu?
UF: Hadoŭ 8 tamu heta jašče było dzivactvam. Dzirki ŭ vušach raściahvali chto čym: ad zubačystak da kałpačkoŭ ad ručak.
Pieršapačatkova lepš zrabić «tunel» na 6-8 mm, nie bolej. Pry bolšym pamiery moža parvacca močka vucha (kali jana małaja).Jość takaja raznavidnaść zavušnic, jak płahi (kali nie bačna dzirki). U mianie byŭ «tunel» na 1 sm. Prachadziŭ ź im paŭhoda, potym niedzie za miesiac «tunel» zaciahnuŭsia.
Kali vy vyrašyli raściahnuć vucha bolš, čym na 13 mm, to viarnuć pieršapačatkovy stan možna budzie tolki chirurhičnym šlacham. A heta u niekalki razoŭ daražej za sam prakoł.
Aproč vušej, «tuneli» robiać na vusnach (ale redka) i na nosie.
«NN»: Pa intymny pirsinh časta źviartajucca?
UF: Tak, i ŭ apošni čas usio bolej.
Intymny pirsinh — heta prakoł saskoŭ i niepasredna połavych orhanaŭ.Isnuje šmat vidaŭ i nazvaŭ takich prakołaŭ. Adzin z samych raspaŭsiudžanych prakołaŭ dla žančyn — kapiušon klitara. Najbolš viadomy dla mužčyn — «Prync Albiert».
«NN»: Heta, napeŭna, vielmi baluča, ci vykarystoŭvajecca aniestezija?
UF: My ŭvohule nie robim aniesteziju. Prakoł mienš balučy, čym uviadzieńnie aniestetyka. Tak, byvaje, što klijenty kryčać padčas pracedury.
Darečy, žančyny tryvajuć lepš za mužčyn.Sam prakoł — heta siekunda. Baluča tolki ŭ hety momant. Nu i biezumoŭna, čałaviek chvalujecca, pakolki intymny pirsinh nie samy zvyčajny. Plus intymnaha pirsinhu — jon adnosna dobra zažyvaje. Ź intymnym pirsinham prablem mieniej, čym, naprykład, z prakołatym jazykom, kali niekalki tydniaŭ jość abmiežavańni ŭ ježy. Adnak kali vy zrabili pirsinh u intymnym miescy, to 3-4 tydni varta ŭstrymacca ad seksu.
«NN»: Ci ŭpłyvaje pirsinh saskoŭ na karmleńnie hrudźmi?
UF: Było šmat prykładaŭ taho, što z prakołatym saskom małaka vydzialajecca nie mienš, čym ź nieprakołatym. Pry pravilnym dohladzie i jakasnym upryhožvańni nijakich prablem nie ŭźnikaje.
«NN»: Chto robić intymny pirsinh i dla čaho?
UF: Robiać mužčyny i žančyny adnolkava. Uzrost — ad 18 da 50 hadoŭ. Prychodziać i siamiejnyja pary. Robiać heta, kab atrymać novyja adčuvańni padčas seksu.
Ale kali čałavieka pierašpačatkova nie zadavalniaŭ uvieś praces seksu, to naŭrad ci treba čakać cudaŭ ad pirsinhu.
* * *
Daviedka: prakoł pupka, vusnaŭ, močki vucha, chrastka vucha, jazyk, nos, bryva kaštuje ad 86,5 tysiač rubloŭ. Ekstremalny pirsinh – ad 196 tysiač.
Byłoha supracoŭnika kontrraźviedki KDB aryštavali za zdradu dziaržavie9
Kamientary