Siarhiej Dubaviec. Toj, chto źjechaŭ. Toj, chto zastaŭsia
Toj, chto źjechaŭ ź Biełarusi, — zdradnik, čužak i vorah. Jon nia lubić Radzimy, jaje spadčyny i kultury. Jon padlahaje vykryćciu i zabyćciu.
Toj, chto zastaŭsia, — sapraŭdny patryjot, jon pracuje dziela Radzimy, kali patrabuje vykryćcia i zabyćcia tamu, chto źjechaŭ.
Toj, chto źjechaŭ, žyruje na zamiežnych charčach, jak tłusty niamiecki biurhier, što kupajecca ŭ pivie z sasiskami, jon padlahaje vykryćciu i zabyćciu.
Toj, chto zastaŭsia, — sapraŭdny patryjot, jon nie afišuje svaich dachodaŭ i patrabuje vykryćcia i zabyćcia tamu, chto źjechaŭ.
Tamu, chto źjechaŭ, nie pavinna być kudy viartacca. Jon padlahaje vykryćciu i zabyćciu.
Tamu, chto zastaŭsia, niama jak źjechać. Jon musić patrabavać vykryćcia i zabyćcia tamu, chto źjechaŭ.
Jany nikoli nie sustrenucca ŭ žyćci.
Toj, chto źjechaŭ, budzie paźbiahać razmovaŭ pra toje, jakuju canu jon zapłaciŭ za toje, kab źjechać.
Toj, chto zastaŭsia, budzie paźbiahać razmovaŭ pra toje, jakuju canu jon zapłaciŭ za toje, kab zastacca.
Toj, chto źjechaŭ, nikoli nie atrymaje asałody ad tvoraŭ taho, chto zastaŭsia, i nie prasiakniecca jaho patryjatyzmam, bo jon zdradnik, čužak i vorah. Toj, chto zastaŭsia, nikoli nie pračytaje knih taho, chto źjechaŭ. Bo jany napisanyja zdradnikam, čužakom i voraham.
Toj, chto źjechaŭ, nia moža.
Toj, chto zastaŭsia, pavinien.
Toj, chto źjechaŭ.
Toj, chto zastaŭsia.
Toj, chto źjechaŭ, nia maje j nia moža mieć daravańnia.
Toj, chto zastaŭsia, sapraŭdny patryjot Biełarusi.
Toj, chto źjechaŭ, źjechaŭ tamu, što toj, chto zastaŭsia, zastaŭsia.
Toj, chto zastaŭsia, zastaŭsia tamu, kab patrabavać vykryćcia i zabyćcia tamu, chto źjechaŭ. Bo toj — zdradnik, čužak i vorah.
Kamientary