Nie znajšłosia achvočych. Nastupny aŭkcyjon projdzie ŭ pačatku 2012 hoda.
Siadzibny dom Bochvicaŭ u Padarosku (Vaŭkavyski rajon) nie pradali. Aŭkcyjon prajšoŭ u Hrodna 15 śniežnia. Startavaja cana składała 86,5 miljona rubloŭ (kala $10000).
Jak paviedamili «NN» u Fondzie «Hrodnaabłmajomaść», aŭkcyjon nie adbyŭsia, bo da jaho pačatku nie było padadziena nivodnaj zajaŭki. Čarhovy aŭkcyjon adbudziecca ŭžo ŭ nastupnym hodzie.
Pradaŭcom vystupaŭ adździeł kultury Vaŭkavyskaha rajvykankama. Patencyjnamu pakupniku prapanoŭvaŭsia zbudavany ŭ XIX st. siadzibny dom z mansardaj i kompleks prybudovaŭ: sklep, dźvie terasy, stajnia, aharodža cahlanaja, aharodža kamiennaja, kuźnia, bytavoje pamiaškańnie z prybudovaj, chleŭ, navies, prybiralnia, tancavalnaja placoŭka, prajezdy z bartavym kamieniem, dźvie bramki mietaličnyja, varoty mietaličnyja, płot šyfierny, kałodziež, brukavańnie, a taksama zialonyja nasadžeńni.
Ahulnaja płošča vystaŭlenaj na aŭkcyjon siadziby z prybudovami składaje kala 3,8 ha. Termin arendy ziamielnaha ŭčastka — 30 hod.
Siadzibu Bochvicaŭ u Padarosku nie pieršy raz vystaŭlajuć na tarhi. Pieršy raz Vaŭkavyski rajvykankam zrabiŭ padobnuju sprobu ŭ sakaviku 2010 hoda.
«Jana nie ŭ turmie, a na śpiecdačy KDB!» Kanśpirołahi nakinulisia na Kaleśnikavu26
Kamientary