Pa słovach supracoŭnikaŭ milicyi, toj łajaŭsia i pahražaŭ im.
Supracoŭniki AUS Savieckaha rajona Homiela, jakija ŭ kastryčniku 2011 hoda zatrymali, dastavili ŭ adździeł i apytali načalnika słužby ŭłasnaj biaśpieki ŭpraŭleńnia departamienta finansavych rasśledavańniaŭ Kamiteta dziaržkantrolu pa Homielskaj vobłaści (UDFR KDK), pryciahnuty da dyscyplinarnaj adkaznaści — vymoŭ i strohich vymoŭ.
Milicyjaniery paviedamili BiełaPAN, što da dyscyplinarnaj adkaznaści ich pryciahnuła kiraŭnictva pa vynikach pravierki, praviedzienaj upraŭleńniem ułasnaj biaśpieki (UUB). Pavodle słoŭ milicyjanieraŭ, UUB pryjšło da vysnovy, što jany nie pryniali mier na miescy dla ŭstanaŭleńnia danych supracoŭnika KDK, a taksama stvaryli pahrozu jaho žyćciu i zdaroŭju, dastaŭlajučy ŭ adździeł biez adzieńnia.
1 śniežnia sud Savieckaha rajona Homiela razhledzieŭ na zakrytym pasiadžeńni administracyjnuju spravu ŭ dačynieńni da načalnika słužby ŭłasnaj biaśpieki UDFR KDK pa Homielskaj vobłaści, abvinavačanaha ŭ źniavazie homielskaha taksista. Sud pryznaŭ jaho vinavatym va ŭčynieńni administracyjnaha pravaparušeńnia — naŭmysnaj źniavazie honaru i hodnaści asoby (artykuł 9.3 KoAP) i pakaraŭ administracyjnym štrafam u 10 bazavych vieličyń (350 tys. rubloŭ).
Razhlad spravy na padstavie pratakoła, składzienaha ŭ dačynieńni da supracoŭnika KDK, pačaŭsia ŭ sudzie 16 listapada. U toj dzień čynoŭnik KDK padaŭ chadajnictva ab praviadzieńni pasiadžeńnia ŭ zakrytym režymie. Jon zajaviŭ, što «niezakonnyja dziejańni milicyi» źniavažyli jaho honar i hodnaść, a z pryčyny taho, što jon maje peŭny sacyjalny status, nie chacieŭ by, kab abstaviny spravy byli addadzieny hałosnaści. Sudździa zadavoliŭ chadajnictva, i sprava razhladałasia na zakrytym pasiadžeńni.
Jašče da sudovaha razboru milicyjaniery, jakija prachodzili pa spravie śviedkami, paviedamili BiełaPAN, što 6 kastryčnika kala 23 hadzin dva supracoŭniki PPSM prybyli na Rečyckuju šašu pa zajavie taksista ŭ słužbu «102» u suviazi z tym, što klijent nie raspłaciŭsia pa ličylniku.
Na miescy milicyjaniery vyśvietlili, što pasažyr padniaŭsia ŭ kvateru, i z taksistam pajšli za im.
Dźviery im adčyniŭ mužčyna, jaki, pavodle słoŭ supracoŭnikaŭ PPSM, źnievažaŭ ich i hrubijaniŭ, pačaŭ pahražać niepryjemnaściami. Narad milicyi dastaviŭ hramadzianina ŭ Saviecki RAUS.Paśla zdareńnia, pavodle słoŭ milicyjanieraŭ, mužčyna, jaki akazaŭsia načalnikam słužby ŭłasnaj biaśpieki UDFR KDK pa Homielskaj vobłaści, napisaŭ zajavu z prośbaj pryciahnuć milicyjanieraŭ da kryminalnaj adkaznaści za pieravyšeńnie ŭłady (art. 426 KK).
Pravierku ŭ dačynieńni da milicyjanieraŭ pravodzić śledčy adździeł prakuratury Homielskaj vobłaści. Jaje termin praciahnuty da 8 studzienia 2012 hoda. Raniej načalnik słužby ŭłasnaj biaśpieki pracavaŭ tam śledčym.
Viadoma, što supracoŭnik KDK abskardzić rašeńnie rajonnaha suda ŭ abłasnym. Akramia taho, razhlad spravy ŭ abłasnym sudzie adkładzieny da momantu, pakul śledčy adździeł prakuratury nie vyniesie rašeńnie pa pytańni raspačynańnia kryminalnaj spravy ŭ dačynieńni da milicyjanieraŭ.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary