Pravaabaroncy sabrali ŭsiu sumu dla pahašeńnia škody, jaki nibyta nanios dziaržavie Aleś Bialacki, paviedamiŭ pravaabaronca Valancin Stefanovič.
Pavodle jaho słoŭ, u hetu sumu ŭklučany nie tolki asnoŭny doŭh Bialackaha, ale i pienia, i sudovyja vydatki. «Zaraz my vyśviatlajem rekvizity rachunku, na jaki treba hetu sumu pieravieści. Vyjaviłasia, što heta nie takaja prostaja sprava. Adnak da razhladu kasacyjnaj skarhi Bialackaha ŭsiu sumu my majem namier pieravieści ŭ lik pahašeńnia jaho ŭronu», — skazaŭ Stefanovič.
Kankretnuju sumu achviaravańniaŭ jon nazvać nie zmoh. «Hrošy pastupali, i, ja miarkuju, praciahvajuć pastupać ad hramadzian Biełarusi. My pakul jašče nie majem kankretnych źviestak na 16 studzienia ab stanie rachunku žonki Bialackaha, jakoj pastupali srodki.
Ale viedajem, što ŭsie raschody byli ŭžo pakryty pa stanie na minuły tydzień»,— skazaŭ Stefanovič.
* * *
Nahadajem, što razhlad kasacyjnaj skarhi pravaabaroncy Alesia Bialackaha ŭ Minskim haradskim sudzie pryznačany na 24 studzienia.
Zaraz asudžany pravaabaronca ŭtrymlivajecca ŭ śledčym izalatary Žodzina. Zhodna z prysudam, Bialacki pavinien vypłacić dziaržavie 757 młn. 526 tys. 717 rubloŭ (kala 90 tys. dołaraŭ) nibyta dla kampiensacyi ŭronu, naniesienaha niavypłataj padatkaŭ.
Mižnarodnaja demakratyčnaja hramadskaść, kiraŭnictva Jeŭrasajuza, ZŠA i šerahu inšych krain ličać vyniesieny pravaabaroncu prysud palityčna matyvavanym i patrabujuć ad uład Biełarusi biezumoŭnaha vyzvaleńnia Bialackaha.
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary