Łukašenka — za vyčarpalnyja zachady pa aktyvizacyi baraćby z karupcyjaj i arhzłačynnaściu
Alaksandr Łukašenka 6 lutaha pryniaŭ z dakładam hienieralnaha prakurora Alaksandra Kaniuka, adrazu abaznačyŭšy najbolš aktualnyja pytańni dla abmierkavańnia: situacyja ŭ sistemie orhanaŭ prakuratury ŭ cełym, u tym liku z hledzišča kadravaha składu, stanovišča spraŭ u pravaachoŭnaj śfiery, asabliva ŭ častcy baraćby z złačynnaściu.
Asobnaja ŭvaha była ŭdzielena chodu farmiravańnia Śledčaha kamiteta i jaho ŭzajemadziejańni z Hienprakuraturaj. «Śledčy kamitet — heta dzicia MUS, Hienprakuratury, Kamiteta dziaržaŭnaha kantrolu, inšych pravaachoŭnych orhanaŭ. Vy pavinny kantralavać situacyju sa stvareńniem Śledčaha kamiteta», — adznačyŭ Łukašenka.
Jon taksama padkreśliŭ, što pracu orhanaŭ prakuratury pa nahladzie za vykanańniem zakonnaści varta pravodzić metanakiravana. Dla hetaha prakurory pavinny być vyzvalenyja ad nieŭłaścivych im funkcyj.
U chodzie sustrečy jon čarhovy raz zapatrabavaŭ pryniać vyčarpalnyja zachady pa aktyvizacyi baraćby z karupcyjaj i arhanizavanaj złačynnaściu.
Jak prainfarmavaŭ hienieralny prakuror, novy ałharytm uzajemaadnosin ź inšymi pravaachoŭnymi orhanami ŭ hetaj śfiery ciapier vypracoŭvajecca z tym, kab hetaja praca była pastaŭlena na bolš vysokim uzroŭni.
U 2011 h. adbyłosia źnižeńnie ahulnaj kolkaści złačynstvaŭ, u tym liku ciažkich i asabliva ciažkich.
Łukašenka adznačyŭ, što ŭsie asnoŭnyja pytańni dziejnaści orhanaŭ prakuratury buduć razhledžany na śpiecyjalnaj naradzie ŭ jaho.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT2
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary