Bo MVF vyłučaje palityčnyja patrabavańni.
Biełaruś zacikaŭlena ŭ atrymańni novaha kredytu MVF, ale moža abyścisia i bieź jaho. Takuju zajavu zrabiła 7 sakavika ŭ intervju dziaržaŭnamu infarmahienctvu BiełTA staršynia praŭleńnia Nacbanka Nadzieja Jermakova.
Nahadajem, z 22 lutaha pa 6 sakavika ŭ Minsku pracavała misija MVF na čale z Krysam Džarvisam. Na bryfinhu 5 sakavika kiraŭnik misii daŭ zrazumieć, što najbližejšym časam novy kredyt MVF Biełaruś naŭrad ci atrymaje.
MVF, skazaŭ Džarvis, pavinien być upeŭnieny, što «ludzi i struktury, jakija adkazvajuć za pryniaćcie rašeńniaŭ na samym vysokim uzroŭni, padtrymlivajuć prapanavanyja miery ekanamičnaj palityki». «Nam taksama budzie nieabchodnaja ŭpeŭnienaść u tym, što novaja prahrama budzie padtrymanaja krainami — členami MVF», — padkreśliŭ jon.
Pavodle słoŭ Jermakovoj, «pradstaŭniki MVF, jakija byli tut, nie chavajuć, što ŭ bolšaj stupieni majuć upłyŭ palityčnaja situacyja i palityčnyja pytańni, zhoda krain — udzielnic MVF pracavać ź Biełaruśsiu pa novaj prahramie».
«Heta, napeŭna, samaje hałoŭnaje pytańnie», — dadała jana.
Što da ekanamičnych rekamiendacyj MVF, to kiraŭnik Nacbanka prakamientavała ich nastupnym čynam: «Vysnovy, jakija jany zrabili nakont taho, što treba zatarmazić rost realnaj zarabotnaj płaty i, mahčyma, navat jaje źnizić, napeŭna, nie ŭkładvajucca ŭ narmalnaje razumieńnie.
Jak možna rekamiendavać pahoršyć žyćcio nasielnictva? Zarabotnaja płata ŭ nas dla biudžetnikaŭ zapłanavana ŭ raschodnaj častcy biudžetu. Nie vypłacić jaje — značyć, zrabić štučny praficyt biudžetu. Navošta heta rabić? Tym bolš što ludzi ž zarpłatu pavinny atrymać.Kali ŭziać zarabotnuju płatu na vytvorčych pradpryjemstvach, to tam nie zmohuć jaje vypłacić u bolšym pamiery, čym atrymana srodkaŭ za košt vyručki. Navošta ich prymušać ci niejak stymulavać da taho, kab jany nie atrymlivali vyručku? Heta taksama zusim niapravilna».
Jak śćviardžaje Jermakova, «strukturnyja pieraŭtvareńni ŭ ekanomicy iduć». «Moža być, pavolnymi tempami, ale jany ŭ nas iduć, — padkreśliła kiraŭnik Nacbanka. — Ale adrazu raptam u adno imhnieńnie zrabić pieraŭtvareńni heta taksama nierealna. Spačatku ŭsio treba pradumać, a potym užo rabić. «Darožnaja karta» ŭ nas jość, ale jana nie taja, jakuju Mižnarodnamu valutnamu fondu chaciełasia b bačyć».
Jermakova nahadała, što Biełaruś raźličvała atrymać ad MVF 3,5 młrd. dołaraŭ dla refinansavańnia staroha doŭhu pierad fondam (u 2009 — 2010 hadach MVF vydzieliŭ Biełarusi kredyt u pamiery 3,46 młrd. dołaraŭ)
Jość inšaje pytańnie, moža być, navat bolš surjoznaje, — heta imidž krainy. Kali z taboj pracuje mižnarodny finansavy instytut, to ty maješ bolšy imidž. Ale, ja dumaju, pryjduć inšyja instytuty: Suśvietny bank z nami pracuje, JEBRR».«My abydziemsia i bieź ich, — reziumavała kiraŭnik Nacbanka. — Ale nam treba zarabić tyja hrošy, jakija my pavinny viarnuć MVF.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary