Hramadskaha aktyvista Dzianisa Daškieviča vinavaciać u parušeńni aŭtarskich, sumiežnych i patentnych pravoŭ.
Na Daškieviča skłali administracyjny pratakoł pavodle artykułu 9.21 KaAP. Heta pieršaja takaja sprava ci nie ŭva ŭsioj krainie. Padstavaj dla jaje pasłužyła zajava hałoŭnaha redaktara aficyjnaj rajonnaj hazety «Svabodnaje słova» Andreja Šyškina.
Daškievič: «U zajavie ŭ prakuraturu redaktar Šyškin aburaŭsia tym, što na niezaležnym navinnym sajcie vrogacheve.ru biez dazvołu redakcyi nadrukavana 9 materyjałaŭ z hazety, a taksama fatazdymak staršyni rajvykankamu Viktara Bančuka. Milicyja vyrašyła, što ja administratar sajtu, tamu j skłała suprać mianie administracyjny pratakoł, jaki źbirajecca pieradać u sud».
Spadar Daškievič — prafesijny muzyka, indyvidualny pradprymalnik. Kaža, što niezaležny sajt vrogacheve.ru jamu viadomy.
Naviedvajuć jaho sotni haradžanaŭ, mnohija pakidajuć tam svaje dopisy, kamentary. Na sajcie nia raz abmiarkoŭvalisia miascovyja prablemy, źviazanyja z pracaj hramadzkaha transpartu, žyllova-kamunalnaj haspadarki, krytykavalisia dziejańni ŭładaŭ.
Jak hałoŭny redaktar «Svabodnaha słova» spadar Šyškin admaŭlajecca kamentavać svaje pretenzii da niezaležnaha sajtu. Słužbie manitorynhu «Biełaruskaj asacyjacyi žurnalistaŭ» jon zajaviŭ, što vykłaŭ ich u liście ŭ prakuraturu. I dadaŭ: «Ja suprać parušeńnia zakonu — jany dazvalajuć sabie parušać. Naš bok adstojvaje prakuratura, milicyja, sud».
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom23
Kamientary