Biełarusaŭ, jakija pajechali na rasijski Daloki Uschod pracavać u siezon pierapracoŭki łacosia, nie zabiaśpiečyli hodnymi ŭmova pražyvańnia i padmanuli z zarobkam.
Kurylski rybakambinat «Astraŭny» praz maskoŭskaje kadravaje ahienctva adabraŭ letaś kala 40 hramadzianaŭ Biełarusi dla pierapracoŭki ryby.
Na vyśpie Šykatan biełarusaŭ zamiest abiacanaha internata pasialili na karabiel i zabrali dakumienty. Kiraŭnictva kampanii patłumačyła im, što na Šykatanie niama pašpartysta, tamu piačatki pra rehistracyju treba stavić u inšym horadzie. Paśla dvuch miesiacaŭ pracy mihrantam zapłacili za ŭsio pa 8 000 rasijskich rubloŭ (gf 2 vky 400 tys. biełaruskich).
Takaja infarmacyja prahučała na pasiadžeńni mižviedamasnaj kamisii (MVK) Sachalinskaj vobłaści pa pytańniach pryciahnieńnia i vykarystańnia zamiežnych rabotnikaŭ.
Juryst rybakambinata, jaki prysutničaŭ na pasiadžeńni, kaža, što pašparty biełarusam užo viarnuli. A što da zarobkaŭ, to pavodle jahonych słovaŭ biełarusaŭ padmanuła maskoŭskaje kadravaje ahienctva.
Bolšaja častka tych, chto pracavaŭ na Šykatanie, zaraz znachodzicca ŭ Maskvie i sprabuje adstajać svaje intaresy ŭ sudzie.
Adnak niekalki čałaviek nie zmahli viarnucca dadomu, bo na darohu niama hrošaj.
Jak piša ahienctva Interfaks, jany stali bamžami na Šykatanie.
Ciapier čytajuć
Što aznačaje rasśledavańnie Mižnarodnaha kryminalnaha suda dla Łukašenki i biełarusaŭ? Tłumačyć Kaciaryna Dziajkała12
Kamientary