Беларусаў, якія паехалі на расійскі Далёкі Усход працаваць у сезон перапрацоўкі лаcося, не забяспечылі годнымі ўмова пражывання і падманулі з заробкам.
Курыльскі рыбакамбінат «Астраўны» праз маскоўскае кадравае агенцтва адабраў летась каля 40 грамадзянаў Беларусі для перапрацоўкі рыбы.
На выспе Шыкатан беларусаў замест абяцанага інтэрната пасялілі на карабель і забралі дакументы. Кіраўніцтва кампаніі патлумачыла ім, што на Шыкатане няма пашпартыста, таму пячаткі пра рэгістрацыю трэба ставіць у іншым горадзе. Пасля двух месяцаў працы мігрантам заплацілі за ўсё па 8 000 расійскіх рублёў (gf 2 vky 400 тыс. беларускіх).
Такая інфармацыя прагучала на пасяджэнні міжведамаснай камісіі (МВК) Сахалінскай вобласці па пытаннях прыцягнення і выкарыстання замежных работнікаў.
Юрыст рыбакамбіната, які прысутнічаў на пасяджэнні, кажа, што пашпарты беларусам ужо вярнулі. А што да заробкаў, то паводле ягоных словаў беларусаў падманула маскоўскае кадравае агенцтва.
Большая частка тых, хто працаваў на Шыкатане, зараз знаходзіцца ў Маскве і спрабуе адстаяць свае інтарэсы ў судзе.
Аднак некалькі чалавек не змаглі вярнуцца дадому, бо на дарогу няма грошай.
Як піша агенцтва Інтэрфакс, яны сталі бамжамі на Шыкатане.
Цяпер чытаюць
Што азначае расследаванне Міжнароднага крымінальнага суда для Лукашэнкі і беларусаў? Тлумачыць Кацярына Дзяйкала16
Каментары