Jaho zatrymali na čyhunačnym vakzale.
Stanoviacca viadomyja padrabiaznaści zatrymańnia 20 sakavika ŭ Minsku hramadzianina Rasii, narkakurjera, u jakoha vyjavili bolš za kiłahram kakainu.
Jak paviedamiŭ pres-sakratar upraŭleńnia ŭnutranych spraŭ na transparcie MUS Alaksandr Marčanka, košt kanfiskavanaha narkotyku składaje kala 130 tysiač dalaraŭ, u partyi prykładna 4 tysiačy dozaŭ.
Pavodle infarmacyi UUST MUS, viečaram 20 sakavika
padčas praviadzieńnia apieratyŭna-vyšukovych mierapryjemstvaŭ pa praduchileńni i raskryćci supraćpraŭnych dziejańniaŭ ź niesapraŭdnymi dakumientami, na staličnym čyhunačnym vakzale supracoŭniki transpartnaj milicyi zatrymali 35-hadovaha hramadzianina RF, žychara Sankt-Pieciarburha.Pa słovach zatrymanaha, jon pracuje menedžaram pa pastaŭkach u hipiermarkiecie.
Napiaredadni śpiecapieracyi ŭ Minski adździeł transpartnaj milicyi pastupiła infarmacyja, što pasažyr nabyŭ kvitok na ciahnik da Sankt-Pieciarburha pa pašparcie, jaki ličycca jak zhubleny kala 10 hadoŭ tamu. Pierad pasadkaj u vahon milicyjanty paprasili mužčynu pradjavić dakumienty. Rasiejec pakazaŭ dva pašparty: rasiejski (na imia svajho brata) i biełaruski (vykarystany padčas kupli kvitka). Kab vyśvietlić asobu zatrymanaha, jamu prapanavali prajści ŭ apieratyŭna-dziažurnuju słužbu. Zamiest hetaha małady čałaviek pasprabavaŭ uciačy.
Spynić jaho ŭdałosia na vulicy Družnaja pablizu stancyi Minsk-Pasažyrski.
Pry asabistym pieratrusie
ŭ maładoha čałavieka byŭ znojdzieny skrutak z rečyvam biełaha koleru, kanfiskavany dla daśledavańnia. Ekśpiertyza pakazała, što ŭ pakiecie znachodzicca asabliva niebiaśpiečny narkatyčny srodak -- kakain -- masaj bolš za kiłahram.
Ciapier pravaachoŭniki vyśviatlajuć abstaviny złačynstva, kanał pastupleńnia narkotykaŭ, praviarajuć padślednaha na dačynieńnie da ździajśnieńnia inšych złačynstvaŭ, u tym liku ŭ śfiery niezakonnaha zvarotu narkotykaŭ i psichatropaŭ, a taksama vyśviatlajuć, adkul u zatrymanaha biełaruski pašpart.
Miarkujecca, što
kakain nie pryznačaŭsia dla raspaŭsiudu ŭ Biełarusi: kurjer, jaki nie pieršy dzień znachodziŭsia ŭ Minsku, tranzitam jechaŭ z Ukrainy ŭ Rasiju.Pa adnoj ź viersij, miescam vytvorčaści narkotyku źjaŭlajecca kraina ŭ Paŭdniovaj Amierycy.
21 sakavika ŭ dačynieńni da zatrymanaha Kastryčnickim (Minska), rajonnym adździełam Śledčaha kamiteta raspačata sprava pa č. 3 art. 328 KK.
Padazravany źmieščany ŭ IČU. Jamu pahražaje pakarańnie ŭ vyhladzie pazbaŭleńnia voli da 13 hadoŭ.
-
U Pružanach sa stralaninaj zatrymlivali kiroŭcu biez pravoŭ
-
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi
-
«Parvaŭ sabie dyjafrahmu i kiški, nanoŭ vučyŭsia chadzić». Unuk aŭtara «Kałychanki» Vasila Rainčyka raspavioŭ, jak trapiŭ u strašnuju avaryju
Ciapier čytajuć
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8282
Kamientary